搜尋此網誌

2012年11月5日星期一

有話兒:黑絲女王江美儀

近日坊間刮起黑絲旋風,江美儀日前接受訪問都不忘穿黑絲散發誘惑


有話兒:黑絲女王江美儀

一對平價黑色魚網絲襪,令綠葉王江美儀忽然暴紅,43歲的她在無綫劇《名媛望族》中以黑絲情挑63歲劉松仁,姣招力抗其餘四房。中女江美儀在圈中打滾逾15年,出動黑絲誘惑才得到遲來的上位機會,「黑絲女王」江美儀坦言不會欷歔,明白藝人講天時地利人和,她期待憑此劇食糊捧走無綫台慶頒獎禮的最佳女配角。

撰文:比華利



近日坊間刮起黑絲旋風,江美儀日前接受訪問都不忘穿黑絲散發誘惑。

攝影:林德雄

髮型:Ivan Lee of Headquarters

化妝:Ivan Lee

服裝:Vivienne Tam

場地:Jimmy\’s Kitchen(中環)

江美儀在《名媛望族》中黑絲情挑老爺劉松仁一幕被指重口味。電視圖片

江美儀在《名媛望族》中黑絲情挑老爺劉松仁一幕被指重口味。電視圖片

無綫劇《名媛望族》播映兩周,網友仍熱談江美儀出動黑絲艷舞色誘劉松仁,松哥和江美儀加埋過百歲的情慾戲極重口味,網友迴響甚大。江美儀日前在中環接受本報專訪,她也重施故技—黑絲襯紅裙。

江美儀在娛圈工作超過15年,她自09年由亞視過檔無綫,雖有機會參演重頭劇,直至最近在《名》劇露肩曬腿,加上一對黑絲襪才成為坊間熱爆話題。對於一直默默耕耘的江美儀來說,這一露上位都算欷歔,但她卻不認同說:「唔會喎,如果我江美儀唔係平時咁認真做嘢,單憑一對黑絲襪,唔會帶畀我咁多,冇根基嘅話,一對黑絲襪眨嚇眼就過,家觀眾識欣賞層次,正因為咁,演員先會放開自己嘅枷鎖。」

松哥示範教自摸

江美儀在《名》劇中演繹好勝三奶易懿芳,為跟幾房爭寵大耍手段,她不時賣弄風情討好風流老爺,但結局還是要執包袱離開,輸了感情,但現實上卻憑這幕戲賺盡人氣,她興奮說:「我開心㗎,冇諗過一對絲襪會引起大家注意,我都聽到網上瘋傳嗰幕,我呢排開工見到張智霖同吳鎮宇,佢哋都話睇過,呢條片係咪可以直逼江南style?」網友和觀眾指江美儀賣誘惑,她卻謙說:「從頭到尾冇覺得江美儀誘惑,根本拉唔上關係,我只係爽直,似男仔嘅女人。」

其實拍攝這類情慾戲,演員有苦自己知,江美儀慶幸對手是有默契的松哥,她明知跳舞是弱項,向來都是獻醜不如藏拙,但松哥收到劇本後便不停上網搜集資料,讓拍檔改善缺點,她說:「松哥喺YouTube搵咗十條有關艷舞嘅片畀我睇,步伐、衣著同表情都逐條分開叫我跟住參考做。」

為了視覺效果,江美儀跟著照做,出來竟有驚喜,談到工作態度嚴謹的松哥,她說:「同佢拍戲唔係易事,係壓力,不過我相信有壓力先有動力。家出嚟效果咁好,我多謝佢都嚟唔切。」當中一場自摸戲,廠內的攝影、燈光和道具工作人員多對眼緊盯下,江美儀直言有尷尬感覺,NG後還是頂硬上,她阿Q精神上身說:「我猛咁同自己講,作為專業演員要專心focus拍好呢場戲。松哥又喺側邊,佢見到都忍唔住教我點摸,佢自己仲示範一次畀我睇。」估不到松哥竟是情慾戲高手。

江美儀在劇中與其他太太爭風呷醋。

江美儀在劇中與其他太太爭風呷醋。

江美儀過檔無綫3年,曾夥拍視帝黎耀祥參演重頭劇《巾幗梟雄之義海豪情》。劇照

江美儀過檔無綫3年,曾夥拍視帝黎耀祥參演重頭劇《巾幗梟雄之義海豪情》。劇照

出動熱咖啡戰衣

江美儀的艷舞look被揭是18年前汪明荃(阿姐)演繹《熱咖啡》的籠底戰衣,她說:「我知,證明阿姐同我身形差唔多,我都唔使改,阿姐都著得,你話有幾性感。其實件舞衣比泳衣仲保守,我著嘅時候仲著咗肉色跳舞衫打底,肉色絲襪外先著黑絲同襪帶,性感同誘惑只係錯覺同意識。」

江美儀有信心憑三奶角逐無綫台慶頒獎禮的最佳女配角。

江美儀有信心憑三奶角逐無綫台慶頒獎禮的最佳女配角。

對三奶一角,江美儀又愛又恨:「我絕對同情佢,作為女人,佢實在太委屈,講手段楊怡嘅四奶仲犀利,演呢個角色過足癮,仲可以豁出去。做有手段嘅女人好攰,成日要防呢個,對付嗰個,我自問本身性格大癲大肺,一定做唔到。」她獲網友力撐可憑三奶拎走今屆無綫台慶頒獎禮的最佳女配角,她說:「我唔係為攞獎而演好啲戲,過去幾年我都係陪跑,不過今年有信心㗎,得唔得獎真係唔重要,起碼我食到呢個timing,我當自己賺咗㗎啦。」

咀吳卓羲辣㷫羲迷

吳卓羲和江美儀在《名》劇中的偷情激咀戲曝光後,羲迷即留言轟炸江美儀的微博。

吳卓羲和江美儀在《名》劇中的偷情激咀戲曝光後,羲迷即留言轟炸江美儀的微博。

無綫劇《名媛望族》非常重口味,劇情還交代江美儀打入冷宮後,不甘寂寞而搭上姦夫吳卓羲,二人火辣激咀的劇照令羲迷看到眼火爆,部份激進者更留言轟炸江美儀微博,令她啼笑皆非。

猶記得欣宜05年在《兒歌金曲頒獎典禮》中給吳卓羲獻上一吻,馬上辣㷫羲迷頻接投訴,網友更譏諷那一吻為「死亡之吻」。33歲的吳卓羲生人勿咀,卻要在劇中被43歲怨婦美儀狼吻,羲迷當然唔放過江美儀,她無奈說:「講真拍呢場戲好大壓力,呢幕未出街,只係劇照流出,已經有佢嘅粉絲喺我微博鬧到我不似人形。」江美儀惟有一笑置之:「我好明白佢哋此舉係維護偶像,可能覺得佢應該同差唔多type嘅對手拍咀戲先配合。」她表示一定要吳卓羲請吃飯補數。

性情趣維繫愛情

黑絲江美儀自爆有出動情趣內衣誘惑男友吳君祥。資料圖片

黑絲江美儀自爆有出動情趣內衣誘惑男友吳君祥。資料圖片

江美儀和吳君如胞弟吳君祥相戀7年,同居生活從沒令兩人出現痕癢,她也從不求名份。為了令感情歷久常新,江美儀自爆現實生活中會出動情趣內衣色誘枕邊人。

出動火辣內衣

從不避忌談情說愛的江美儀直言:「佢(吳君祥)見到我都好hot啦,呢啲情趣嘢間唔中一次半次做,大家係好開心,我間唔中會買好性感嘅內衣褲同睡衣㗎。」吳君祥豈非眼福不淺?江美儀冧笑說:「佢本身係好幸福嘅男人。」她還大談性經說:「兩個人維繫一段關係,性呢方面係一part,其他仲有好多嘢。」問江美儀覺得自己的魅力指數有多少分?她說:「我諗有五、六十分,鍾意我就會鍾意我,唔會有中間位。」

江美儀認為不論幾多歲的情侶,用情趣互是必須的,她說:「我覺得好似戲中我為松哥跳艷舞,坊間嘅人批評話點解呢啲年紀仲跳,咁樣係好唔公平,冇規定話呢啲一定要25歲樓下先可以做。」



Related Posts Plugin for WordPress, Blogger...