樂基兒分手費冇千萬
黎明（Leon）和樂基兒（Gaile）的4年婚姻上月宣佈完結，Gaile日前鳥倦還巢，除了回港出席活動外，前日到商台接受好友楊崢訪問談離婚。對外傳離婚後得到Leon兩億身家，Gaile否認並聲言千萬元也談不上，至於被形容為貪錢的女人，Gaile感到困擾。
黎基的4年婚姻最終上月宣佈離婚收場，身家約有6億的Leon有傳分了約2億身家給Gaile，當中包括多幢三藩市的獨立屋、名車和遊艇等等，Gaile生活無憂難怪可以和一班朋友吃喝玩樂。Gaile日前回港後，前日到商台接受《1圈圈》的楊崢專訪，開腔談跟Leon離婚的種種傳聞。
【今日我至爆】Gaile話冇分黎明2億身家，仲爆連千萬都冇，黎明出手真係咁低？
有收Leon大禮
被指收Leon兩億身家，Gaile坦言傳聞不實，有否收過Leon大禮？Gaile直認：「當然有，我同佢拍拖7年，佢送過我跑車，不過因為我技術差，唔啱我，所以最後賣咗。我都送過支佢生日年份嘅威士忌，價值過6位數字。」Gaile直認在離婚中只收一個好少的協議數目，絕無分Leon兩億身家，Gaile更直說：「千萬都講唔上。」
樂基兒08年駕著黎明送的瑪莎拉蒂跑車出巡。資料圖片
Leon和Gaile年紀及性格上相差很大，是否引致很大分歧？Gaile說：「離婚唔係第三者，如果可以攞離婚協議書畀大家睇，可能大家會覺得好簡單。分手並唔一定係因為有醜聞或有人做錯事，有時relationship只係doesn't work out。」
否認懷孕小產
雖然Gaile否認有第三者，但外界覺得她和老外Cuz關係非淺，對於在Instagram貼上的穿比堅尼泳褲的床照，Gaile透露當時身在峇里和幾個女朋友租屋，因滑浪故穿比堅尼，Gaile再強調Cuz非第三者，更肯定說：「從未懷孕亦冇小產。」
Gaile接受楊崢訪問，她指對黎明沒有憎恨之心。
Gaile與Leon曾有過甜蜜蜜的日子，離婚是兩人一早的決定。
重談和Leon關係，Gaile形容自己是嬉皮士，黎明是政治家、會照顧人的領袖，分開已是很早決定，她重申沒有憎恨黎明，雙方仍會互相關心。Gaile又透露拍拖初期自己進修藝術，Leon送油畫給她作生日禮物以示鼓勵。求婚過程，Gaile表示沒有收到鑽戒，Leon亦無下跪求婚，但仍給她最大驚喜。
撰文：丁寧
上一則:伊健蒙嘉慧傳福岡秘婚
下一則:陸永老婆又有咗
