搜尋此網誌

2012年12月27日星期四

[壹週刊]以大欺小 寸嘴黑面 高海寧現形

今日唔寸,仲等幾時!(設計對白)


探熱針

以大欺小 寸嘴黑面 高海寧現形

2012年12月27日

出道以來,高海寧即使靠咪神事業線出位,但觀眾受落,一樣入到屋。不過近日卻傳出她開始得意現形。有份埋位與蘇民峰合作主持風水節目《順峰順水》的高海寧,被爆經常搵位踩低節目中另外四個女拍檔,一見有人食螺絲,她便黑面藐嘴,俾面色人睇,與鏡頭前親切態度,判若兩人。

唱對手瞓細床

早前因為與老闆「殼王」陳國強傳緋聞,高海寧聲淚俱下否認,表現委屈!查小欣《爆足一周》腰斬,無綫安排高海寧夥拍蘇民峰,趕製風水節目《順峰順水》應急,與此同時,傳出高海寧寸爆,對節目中一班女拍檔何傲兒、彭慧中、袁嘉敏及應屆「最上鏡」港姐岑杏賢擺曬款,自覺高人一等的她,每次開工,都指住四女逐樣彈。

據悉,和高海寧拍得最多的何傲兒最受氣,每當她著得稍為性感,高海寧便一臉不悅,毫不客氣寸對方:「你使唔使著得咁 sharp,搏咩呀!」其他人亦一樣被她兜口兜面寸著衫難睇、化妝醜,甚至一見拍檔講對白食螺絲,高 Ling姐更加會黑面侍候。

「高 Ling好大聲話人 哋化妝化得醜,但一見啲拍檔稍為著得靚 啲,佢又全日黑口黑面。總之乜都唔啱睇。有次上咗袁嘉敏屋企拍家居風水環節,之後高 Ling就同啲同事唱袁嘉敏張單人床細,唔係人 瞓!蘇師傅都無彈間屋唔掂,佢反而彈三彈四,我 哋聽完都想問,佢住得有幾巴閉,瞓緊張床係咪 king size!」一名幕後說。

放大圖片

鏡頭前高海寧對一眾女拍檔好 friendly,但鏡頭後有傳她的態度寸到爆!

放大圖片

黑面恰新女

上週五,應屆港姐岑杏賢拍高海寧主持《順峰順水》,她因新手講對白頻食螺絲,高海寧即皺曬眉,俾面色人睇。

放大圖片

藐爆

在旁的蘇師傅安慰岑杏賢,叫佢唔使緊張,反而高海寧唔耐煩,擰歪面藐爆嘴臉!

放大圖片

零交流

不用對鏡頭時,高海寧對蘇民峰同岑杏賢無乜交流。

不滿阻收工

上週五(十二月廿一日),高海寧拍住應屆港姐岑杏賢和蘇師傅於港島高街拍外景。現場所見,今非昔比的高海寧,連試位都唔使,一切交蘇師傅與新女岑杏賢搞掂,待二人試好曬位,躲在外景車的高海寧才施施然埋位,一副阿姐格。

而平日對住鏡頭親切的高海寧,鏡頭後其實 cool爆,跟岑杏賢全無交流,與蘇師傅也是一句起兩句止。

由於岑杏賢經驗淺,頻食螺絲,覺得有人阻住收工的高海寧即時有曬反應,怒睥對方外,又擰歪面藐曬嘴,十分不耐煩;唔似得 孭飛的蘇師傅,俾人累 NG都保持笑容,對新人予以包容。

放大圖片

高 Ling唔試位

正式拍攝前,蘇民峰同岑杏賢要落地試位,而高海寧則躲在外景車等候,十足阿姐一樣。

放大圖片

試好曬位,高海寧才埋位拍攝,今非昔比!

放大圖片

因不甘被著短裙的拍檔何傲兒比下去,有指高海寧曾兜口兜面寸對方博搶鏡,又常找機會窒她。

放大圖片

剛當上咪神的高海寧,拍飲食節目同樣好搏,穿三點式浸泥漿浴,噴血場面震撼搶曬另一拍檔陳庭欣鏡。依家上咗位掉唔番轉,介意別人搶佢鏡。

對於高海寧擺款,部分拍檔不願置評,被恰得最勁的何傲兒,則阿 Q話當高 Ling講笑。

放大圖片

何傲兒:當佢講笑!

「就算彈,我諗佢係玩嚇,我當佢講笑!我 哋成班女仔開工只希望開開心心,千祈唔好話我同佢不和。」

今日唔寸,仲等幾時!(設計對白)
放大圖片

袁嘉敏:我同佢兩種風格!

「呢個節目我好少同佢拍,人 哋 嘅 嘢我唔想 comment,只可以講我同佢根本係兩種風格 嘅人。」

放大圖片

彭慧中:唔知俾人窒!

有指彭慧中曾被高海寧寸她化妝技術同著衫品味差,但因她鬼妹仔性格,故啃咗骨都唔知。



.[壹週刊]以大欺小 寸嘴黑面 高海寧現形
http://veryy8.blogspot.com/2012/12/blog-post_6175.html
Related Posts Plugin for WordPress, Blogger...