2012年12月27日星期四

[壹週刊]陳敏之逆旨撐陳志雲

探熱針

陳敏之逆旨撐陳志雲

2012年12月27日

因為官司纏身，過去兩年無大搞生日的陳志雲，在友人的提議下，上週四（十二月二十日）於尖東富豪酒店舉行「 Live Celebration Party」沖喜，順道慶祝五十三歲生日。受邀席上客，當然唔少得舊公司班「迷雲黨」成員，但無綫唔想旗下藝人免費幫商台高層做宣傳，一早落 order阻止。

結果，無綫友只得陳敏之夠膽違規，堅！

怕咗無綫

話明沖喜派對，所以「 Live Celebration Party」特意訂下紅色 dress code規條。同陳總一樣，以黑褸、紅冷衫襯白恤衫的愛將梁泰來，一早在現場打點招呼賓客。當晚鐵膽來賓有羅寶文、王喜、鄺美雲，還有鄭裕玲、黃栢高、霍汶希、周麗淇、麥玲玲等約八十人。

派對以自助餐形式進行，大會預備十圍枱俾賓客，部分枱六、七個人便佔一圍，坐得相當疏落。

據知，一心同好友過生日的陳總，本來邀請了不少在舊公司的「迷雲黨」出席，不過無綫出手阻攔，下令旗下親生仔女嚴禁現身，唔計早被打入冷宮的「膠面」鄧健泓，夠膽違規出現又當打的，就只有陳敏之。

「我拍緊《法網囂雄》唔知咁多，淨係知 Stephen生日同埋一班教友聚會。」天不怕地不怕的陳敏之說。

為怕連累勇敢到賀的好友，當晚陳總在席上多次「嗌咪」提醒賓客，大會有安排攝影，勸諭眾人不要私自拍照和放上微博 Facebook等社交網站，以免節外生枝。「起初以為佢因為單官司所以咁低調，後來先知原來關無綫事。」有份出席 party的人說。

放大圖片

曾經是「迷雲黨」頭寵的崔建邦，因見利忘義投靠了樂易玲，陳總生日會未有被邀請出席。（《蘋果日報》圖片）

放大圖片

○八年陳總舉行生日齋宴，曾經是座上客的唐詩詠今年無影無蹤。

放大圖片

十點先見人的鄺美雲帶埋男友林達民出席，陳總無詐型，還邀請兩人在 2012的氣球影合照。

放大圖片

當年獲陳總欽點入無綫的張繼聰，帶病同莊思敏一同出席生日會。

等埋鄺美雲

生日派對踏正七時開始，一向早睡早起的 Do姐八時左右已經嗌眼瞓先行離去，未夠十點，大部分來賓早已食飽，但切蛋糕儀式遲遲未進行，原來要等埋好友鄺美雲同男友林達民（ Thomas）到。

事後陳總安排賓客分組合照，打頭陣有幫佢打官司的律師友好，再有羅寶文、鄺美雲、麥玲玲等女子組，最特別是安排王喜、梁泰來同已轉行的寧進合影的新歡舊愛組，而曾經是頭寵的崔建邦，據聞因為「過檔」投靠樂易玲，未有被邀請。

陳志雲涉貪案去年獲判罪名不成立，因遭上訴庭撤銷有關裁決，發還區院續審，原審法官潘兆童將於明年二月二十日審理。再要面對官司，陳總好無奈：「希望可以包容我，暫時唔方便對呢件事作出任何評論。」

放大圖片