《法網狙擊》下周必睇劇情 索女排隊送上門

謝天華投訴：唔係次次咁正！

新劇《法網狙擊》開播近兩周，面對聖誕假期依然收視報捷，最高達32點收視，跟早前播畢的兩套台慶劇《名媛望族》和《大太監》有得揮，身為男主角的謝天華當然高興，昨日接受本報訪問時，表示已預了請台前幕後食飯慶功。天華在劇中飾演情聖「甘大狀」，對大狀女友楊怡極之深情，兩人吻戲連場。今次天華除了跟出爐「視後」楊怡一對，更被索女苟姑娘（苟芸慧）、陳庭欣和王君馨主動投懷送抱，可謂艷福不淺，但他卻無奈表示，看了昨晚他酒後胡塗跟中女上牀一幕，就知「唔係次次咁正！」撰文：杜淑霞　攝影：畢紹基　場地：The AIR （The ONE）

天華表示今次拍《法網狙擊》，是繼02年《法網伊人》及07年《鐵嘴銀牙》後第三度演律師，但一樣冇著數，「之前一次就係演哨牙仔，一次就係古裝做『方唐鏡』，雖然唔係第一次拍法庭戲，但每次內容都唔同，幾有經驗嘅演員，面對幾頁紙對白一樣要死背。」

高難度動作

講到今次跟楊怡的感情戲，天華也認為兩人相當合襯兼合拍，「我哋上次拍《魚躍在花見》無咩機會咁Sweet，今次係有好多咀戲，但阿怡好專業，大家留意睇就知道，佢呢個視後演得好細緻，下咗好多苦功。」戲中除了連咀多次「視後」外，天華更有苟姑娘、陳庭欣和王君馨排隊送上門，但他未見好享受，還投訴說：「佢哋拍呢類戲經驗始終比較少，反而我要畀多啲信心佢哋，提佢哋要放盡先會好睇，又要就位拍邊會享受，同埋都唔係次次咁正㗎！好似我今（昨）晚酒後斷曬片，俾楊怡發現我牀上面有個中女，呢個都算係我拍劇以嚟，要說服自己嘅高難度動作之一，同吊威吔呢啲危險動作一樣咁困難，好彩拍出嚟效果好好！」

天華以「高難度動作」，來形容戲中的享艷福戲份。

下周必睇劇情

天華跟楊怡這一對，雖然本周劇情講到兩人感情出現問題，開始冷戰，但下周依然繼續有得嘴，還玩埋爆房，劇迷絕對不容錯過。

出手加深積怨

甘祖贊（謝天華）和洪震滔（郭政鴻）在法律界的籃球賽中對壘，兩人各不相讓，震滔更出手肘打祖贊，令祖贊受傷流鼻血，兩人結怨更深。

對打使出絕招

艾東輝（秦煌）誤會甘保祥（許紹雄）和老婆方綺霞（呂珊）有路，兩男大打出手，僵持之際，保祥竟然使出絕招「揸波龍爪手」。

強吻阻止爭拗

祖贊一意孤行要替屈炳源（張穎康）翻案，況天藍（楊怡）不贊成而起爭拗，祖贊為阻止天藍再講，竟以強吻阻止女方，眾人誤會兩人復合。

目擊拍檔慘死

由掃毒組調到重案組的梁健柏（鄧健泓），追查毒梟惠東興（沈震軒）時，親眼目擊對方槍殺拍檔武學力（鄭世豪），但未能阻止而深感悲痛。

酒後公寓爆房

祖贊送飲醉的天藍返家途中遇著下大雨，為免女方冷病，情急下到公寓開房，祖贊替天藍脫衣抹身之際，兩人情不自禁親熱起來，可惜最後未能圓好事。

自殺迫使做證

健柏誓要替學力討回公道，為迫使其他蠱惑仔出庭指證東興，更要古惑仔揸槍指著自己的頭，以「自殺式」舉動令對方就範。

.《法網狙擊》下周必睇劇情 索女排隊送上門
http://veryy8.blogspot.com/2012/12/blog-post_1289.html