真面目
搵水泡 玩厭花𡃁 鞋王三奶離奇搭上厚底律師
2012年12月26日09年港男黃長發搭上鞋王（前上市公司主席鄧劍群）的三奶李姿霆（ Karen）而震驚娛圈，事隔 3年，仍然與鞋王為爭產官司上訴的 Karen，月前被爆再次戀上已婚工程師，後來被對方老婆發現後即斬纜。
不過對男人有一手的 Karen話咁快有新目標，她最近與有「廉署剋星」之稱的律師林炳昌（ Andrew）離奇搭上。本刊發現近日二人行得特別埋，更不避嫌孖住出席好友陳淑蘭的飯局，合照仲上載到微博公開！
09年戀上「港男」黃長發而被揭是鞋王「三奶」身份的李姿霆（ Karen），雖然已經 42歲，不過保養得宜，被鞋王鄧劍群包養時仍能搭上比她年輕 17歲的港男黃長發，去年又轉搭已婚工程師，被其妻發現後極速斬纜。
林炳昌去飯局帶三奶
據知近月 Karen和「廉署剋星」律師林炳昌（ Andrew）經常見面，而林炳昌更不避嫌約埋 Karen出席好友飯局。
週日（ 23日），本刊致電林炳昌好友陳道然（蘭子），她透露的確透過林炳昌認識 Karen：「我係因為 Andrew（林）先識 Karen。我都係見過 Karen兩次面，仲笑佢呢個係咪又係你緋聞女友，第二次就係約埋陸詩韻一齊，因為個個都係佢緋聞女友，所以 嗰餐飯叫『家用飯局』 㗎！（佢 哋真係拍拖？）哈哈，咁我唔知喇！」而與林炳昌傳過緋聞的陸詩韻則說：「我就俾佢傳得耐喇！(係你介紹林炳昌識三奶？）唔係，我都係一大班人出嚟食飯先識 Karen！我唔知佢哋係咪怕緊拖！」
港男榨乾
同年輕自己 17歲的 黃長發拍拖被爆淫賤 SMS， 09年初，長發更高調同 Karen開記招宣布為「愛」退出娛樂圈，但隨住鞋王出招鬧上法庭爭產後，吸夠「水」的長發即極速跟三奶分手，再見不是朋友。
傾官司 啱嘴形
據知將二人拉近關係的，全因 69歲鞋王和 Karen的官司。「 Karen仲有官司 喺身，而 Andrew又熱心到死，好講義氣，佢好主動幫 Karen解答好多問題，因為咁大家見多 咗， Karen又會請番 Andrew食飯補數，兩個又單身，好自然就有發展啦！」知情人士說。
上週五（ 21日），記者聯絡上 Karen，她向本刊表示跟 Andrew認識多年，「我識鄧生（鞋王）之前已經識佢（林） 㗎喇，不過我 哋係好好朋友 嘅！我𠵱家冇拖拍。（佢係咪追緊你？）呢方面我唔知喎，你要問番佢喎！」
其實 Karen在較早前的訪問中已講過：「憧憬未來可以堂堂正正嫁一次，做人 哋真正 嘅老婆。」今次與林炳昌雖然係剛開始，不過男單身、女未嫁，分分鐘會開花結果都唔定。本刊在林炳昌電話留言，惟截稿前仍未收到回覆。
林律師枉坐年多監
現年 61歲的林炳昌（ Andrew）， 04年因涉嫌於香港上市公司先科國際案幹擾證人，加上與先科主席串謀防礙司法公正， 06年被判入獄 4年，後來上訴庭更應律政司要求加刑至 6年，但其實林炳昌於 06年 9月保釋外出，到 09年 2月上訴被駁回才再次入獄，最終於 10年林炳昌上訴終審庭成功得直，更獲撤銷所有控罪，令他枉坐了 1年多監。無罪釋放後繼續執業做律師。
三奶周身官司
「三奶」李姿霆（ Karen）除了仍為爭產案上訴外，其實鞋王「二奶」劉貝茜同樣告緊三奶！
今年 6月，劉貝茜對三奶李姿霆在雜誌中的一句：「二奶都有偷食」入稟法院，指該報道嚴重損害她聲譽，向法庭申請禁制令以及要求被告賠償，案件稍後排期審理。
.[FACE]搵水泡 玩厭花𡃁 鞋王三奶離奇搭上厚底律師
http://veryy8.blogspot.com/2012/12/face_7616.html
