搜尋此網誌

2013年1月31日星期四

[壹週刊]萬綺雯搶手 陳煒寸老

過檔半年萬綺雯用 42吋長腿輕易踢開陳煒,做硬無綫一線花旦。(《蘋果日報》圖片)


探熱針

萬綺雯搶手 陳煒寸老

2013年01月31日

萬綺雯由亞視過檔無綫,一開始便坐正做女一,頭炮《老表,你好嘢!》又大爆,人人讚四十二歲有四十二吋長腿的人妻又索又好戲,樂易玲更不惜出高價簽她做親生女。

成為監製心目中的搶手貨,敲門全是安排做女主角,令不少坐冷板櫈親生女,怨聲載道。與萬綺雯同期過檔的陳煒,卻被無綫當做拋波機器,兩位亞視前阿姐,待遇差天共地。難怪陳煒句句有骨:「始終佢(萬綺雯)老資格過我好多,佢八字頭(八九年)入行,起碼早我五、六年!」

半年拍兩劇

無綫新劇《老表,你好嘢!》帶來話題,頭十集最高收視有三十七點,成績理想,連帶同劇主角及配角都上曬位。

由亞視過檔無綫,頭炮孭飛做女主角就爆出的萬綺雯,八九年選完亞姐入亞視,一做廿二年,其間無綫多次挖角都唔成事,直至去年,萬綺雯終於與無綫簽了兩年兩部劇,還講明要做主角先考慮,結果用了半年時間,先後拍了《老表》及與苗僑偉合作的《好心作怪》,極速完成合約。

成為無綫新寵,公司監製搶住要。即將開拍的清裝劇《食為奴》,萬綺雯掃低一班當家花旦,包括陳法拉及鍾嘉欣再坐正,身價亦由原來兩萬蚊一集,加到三萬蚊,加薪幅度達五成。

「監製黃偉聲最初嘅構思係鍾嘉欣再搭林峯,但林峯扭計唔拍,嘉欣又話要放假返加拿大,監製知如果開聲要嘉欣縮短假期,提早返港開工,對方其實係會答應,但諗諗嚇又決定搵蚊蚊(萬綺雯)好過,佢當頭起,又有觀眾緣。」劇組工作人員說。

放大圖片

下個月才開工拍劇,最近萬綺雯忙於跑宣傳活動,一有時間就陪老公陳十三(下圖)返工。

放大圖片

連做籌款節目,陳煒都要 Bra Top上陣,拋波大跳肚皮舞。

放大圖片

搶姐仔飯碗

空降萬綺雯密密拍,但個別無綫花旦卻要坐冷板冇劇拍,「外勞」入侵,無啖好食。

被一班無綫親生女視如眼中釘,原本屬同門、一齊離開亞視娘家的陳煒,亦對萬綺雯相當眼紅。

陳煒較萬綺雯早三個月與無綫簽約,無綫搵上門,陳煒即時𦧲飯應,所以在價錢和待遇兩方面,與吊高嚟賣的萬綺雯都差一大截。簽約無綫後,陳煒曝光率雖然頻密,但只被安排做大配角,加上每次都要賣肉拋波,拍劇及上節目一律無例外,相對萬綺雯只須曬嚇四十二吋長腿就收貨,無綫的確親疏有別。

放大圖片

《食為奴》已拍了節目巡禮,但主角面目全非,女主角「呂四娘」陳法拉同鍾嘉欣都冇得做。

放大圖片

去年七月萬綺雯同陳煒在無綫做曬冷活動碰頭,兩人已開始無偈傾。

放大圖片

撞面唔招呼

「蚊蚊同煒哥喺亞視年代仲有偈傾,就算啱啱過無綫嗰排都有互通消息,交換情報。後來煒哥發覺無綫好大細超,見住蚊蚊套套劇拍一線小生做女主角,自己就做配角,個心點都有唔舒服,兩個仲開始疏遠。早排仲發展到喺化妝間撞口撞面,都唔打招呼,好似唔識咁。」知情者說。

問陳煒有否留意萬綺雯於《老表》的表現,她說:「有睇,佢做個社工都好到位吖。(佢一嚟就做主角,你就要做大配角,會唔會唔開心?)又唔太介意嘅,我都唔會去比較,始終佢老資格過我好多,佢八字頭入行,起碼早我五、六年!」

放大圖片

佢八字頭入行,起碼早我五、六年!(真實對白)

問到介唔介意同萬綺雯待遇差天共地, 38歲陳煒明寸 42歲萬綺雯老。

放大圖片

之前在《法網狙擊》做配角都搏盡泳衣加床戲,但回響都唔及萬綺雯勁。

放大圖片

劇中萬綺雯露 42吋長腿,就成功殺入屋。

放大圖片

過檔頭炮《老表》就令萬綺雯彈出,連無綫都開到聲要簽她經理人合約。

禾稈冚珍珠

無綫過去從亞視挖走唔少人,成功例子包括關詠荷、張家輝,過檔後一炮即紅,做唔起的人板則有林韋辰、文頌嫻做代表。

過檔半年萬綺雯用 42吋長腿輕易踢開陳煒,做硬無綫一線花旦。(《蘋果日報》圖片)
放大圖片

張家輝

轉投無綫後,在《天地豪情》中飾演反派角色,演技大受好評,之後在多部重頭劇擔正。

 

關詠荷

93年過檔無綫後一直受力捧,《陀槍師姐》、《醉打金枝》等全部有收視保證,是九十年代無綫當家花旦之一。

放大圖片

江美儀

江美儀在亞視多年,事業都未見起色, 09年簽約無綫後,短短三年,已參演了 15部劇集。

放大圖片

田蕊妮

06年投無綫,被視為實力派演員,由配角做起,去年在《衝呀!瘦身兵團》開始擔正做女主角。

放大圖片

苑瓊丹

出身亞視, 95年過檔,在劇集《真情》中飾演「低 B嫂」,成功入屋。

過檔半年萬綺雯用 42吋長腿輕易踢開陳煒,做硬無綫一線花旦。(《蘋果日報》圖片)
放大圖片

唔掂

文頌嫻

93年加入亞視,被捧為當家花旦, 00年轉簽無綫,曾經演出過多部劇集,但成績未見突出。

放大圖片

唔掂

李綺雯

李綺雯「𡃁妹」, 01年參加亞視女優選拔奪得冠軍入行, 06年改簽約無綫後,演出的劇集全部是三、四線角色。

放大圖片

唔掂

林韋辰

憑《再見艷陽天》成為亞視「師奶殺手」,後來轉簽無綫,卻不獲力捧,只能在劇集中做二打六角色。



.[壹週刊]萬綺雯搶手 陳煒寸老
http://veryy8.blogspot.com/2013/01/blog-post_6615.html
Related Posts Plugin for WordPress, Blogger...