探熱針
張衞健細佬反擊：有人食 fing頭丸！
被胞弟張衞彝（ Henry）公開合約，炮轟趁病謀財、拖欠 2000萬經理人傭金的張衞健（ Dicky），日前返港出席吳國敬鄧建明音樂會，雖然肯公開見傳媒，卻只讀出自己一早準備好的內容，全程不准記者發問。至於與母親發出的聯合聲明，亦未有提及拖欠傭金事項，只着外界細閱他用紅筆手寫的規條，暗指內容中第 6項「 DRUGS」（濫藥）一詞。
對於母親力撐 Dicky，指家人飽受見鐵不成鋼之「恨」，見人不見靈之「痛」。 Henry向張衞健大反擊：「我食唔落咁大隻死貓，我講嘅全部實話，阿媽你夠唔夠膽話唔係。佢針對我呢樣嘢，不斷挑釁我，我咪講出嚟囉！喺細佬（ Dicky二弟）結婚前一晚，有人食 fing頭丸，第二日响另一個朋友生日會，佢又食，佢身邊女人仲嬲到打咗佢一巴！」兩兄弟，繼續水火不容。
拒食死貓
被胞弟 Henry追討工作十三年以來的 20%經理人傭金，張衞健與母親發出聯合聲明，內容中只着外界細閱本刊刊載、由 Dicky用紅筆手寫的規條，希望大家深思當中某些詞彙出現的原因，則不難領會事實之真相，同時可體會一家成員，在過去十多年所飽受見鐵不成鋼之「恨」，見人不見靈之「痛」。
面對張衞健聯同母親出聲明指責， Henry表現激動，逐一反擊。「君子不立危牆下，我喺危牆立咗好耐嘞！我食唔落咁多死貓，先焗住講。我成世貢獻俾張衞健得啦！佢名聲緊要，我名聲唔緊要，我唔係你生咩？」
在 Dicky手寫規條中，第 6項提及的「 DRUGS」， Henry回應本刊說：「就算我有食（ DRUGS），我話就算咋！兩兄弟，佢都唔可以攞我啲錢又唔肯俾番我！」
濫藥被掌摑
Henry直言每件事，均有時間地點人物，句句實話。「佢針對我呢樣嘢，係咁挑釁我，我有路行我自己走咗啦！唔會同佢一般見識。係咪要我講曬真相出嚟。
「細佬結婚前一晚，婚禮喺洲際搞，我哋成家搬去半島住，撞正有兩個朋友生日，大家講好咗唔食（ Fing頭丸），因為細佬好緊張（婚禮），叫我哋唔可以遲，點知有人食咗，第二朝十點半，呔都未打好就落嚟，到第二晚，另一個朋友生日，喺加州紅搞生日會，有人又有食，佢身邊個女人好嬲，仲打咗佢一巴，阿媽都喺度，阿媽仲即刻鬧個女人，因為好多人在場，話有乜返屋企先講！」
燒炭自殺
在聲明中，母親多番維護張衞健絕無虧欠家中或身邊任何人， Henry忍唔住再爆：「我二十四歲返嚟（由加拿大）幫佢，仲唔報答曬佢，三十幾部電影，全部我去傾，唱片唔夠宣傳，邊個同葛福鴻（台灣金牌經理人）講， TVB話佢反骨，邊個去撐，聲明都係我出，佢做咗啲乜，邊個叫佢拍《西遊記》，忘恩負義！
「佢同人講，關照我關懷我，關過我啲乜，你問管理員，佢幾時嚟過，我病咗，都係管理員煲粥俾我食，佢仲好意思，係咪要我講曬所有真正嘅嘢！」
過去十五個月，家人對自己不聞不問，患抑鬱症的 Henry，自爆去年十月曾在家中燒炭自殺。「喺醫院醒番，仲俾醫生話我唔珍惜生命，話我再多十分鐘就死，嗰一刻我仲擔心俾記者發現，自己偷走返屋企。」 Henry表示，患病前，自己是家中最常陪伴媽咪的成員。「我去旅行都會同媽咪去，十幾年我湊住，團年飯你哋食得安樂，你哋咪食囉！」
睇清為人
Dicky一再強調，期待細佬「浪子回頭」， Henry搬出有關吳國敬及許志安的兩件事，力證 Dicky為人。「兩年前 Big 4開騷，我打俾阿 Dick，叫佢搵阿敬做 Band Leader，係阿 Dick話阿敬唔得，佢（指阿敬）依家嚟插我。安仔我一路好幫佢，嗰時佢話 Paco唔要佢，我幫手搵 Jenny幫佢做經理人，嗰時佢講明俾番廿萬我哋，我覺得廿萬收嚟做乜，都係阿 Dick同阿媽要我收，我都係過咗九個月，先問安仔攞！」 Henry不屑地說。
毒海風波
娛圈吸毒新聞時有所聞，近期有黃浩食店被指有藝人吸食粉末，繼而何家四太長女超盈滿鼻粉末迷走銅鑼灣，早年甚至有藝人在海外斷正被拘捕！
台灣勒戒
02年 6月，蘇永康與女星安雅等在台北酒吧包廂消遣，因涉嫌藏有搖頭丸，蘇康被戴上手銬帶走，保釋後，他開記者會時聲稱：「未吃過搖頭丸，不是吸毒者」，只承認有食安眠藥及鎮靜劑習慣。其後蘇的驗尿報告對毒品呈陽性反應，兩個月後返台應訊，即被判送往土城看守所，接受勒戒十日。
食可卡因錄歌
04年 6月，吳浩康被毒品調查科探員截停，當場搜出身上藏有 1.2克可卡因，被黑布蒙頭拘捕。他承認「一時貪玩」，在酒吧購買可卡因吸食，打算錄完歌後到的士高，卻在前往錄音室途中被捕，事後遭英皇雪藏並打算解約，吳浩康多番求情才有得留低。其後他在裁判法院承認藏毒罪，被控管有危險藥物，因即時認罪，獲輕判罰款五千。
毒癮情侶
衞詩與關楚耀 09年 2月拍拖到東京，在一間雜貨店內因藏有大麻煙被捕。衞詩在日本被拘押 60日，終獲判緩刑！庭上她公開 08年染上毒癮，每星期要吸食三次海洛英，由於日本官司花費龐大，令她欠債百萬。
搖頭丸派對
10年 9月， Rosemary與男友在美國參加派對時因藏有搖頭丸被捕， Rosemary只承認在會場獲得毒品。不到一個月，又因在當地撞車不顧而去再被拘捕， Rosemary被拍下殘爆犯人照，事件擾攘一年，由代表律師申請豁免出庭，最後獲輕判阻礙警員罪，罰款 1,000美元（約 7,800港元）甩難。雖然打甩藏毒罪名，但形象盡失，已甚少在香港工作。
mailto:nextb@nextmedia.com
. 張衞健細佬反擊：有人食 fing頭丸！
http://hittt.blogspot.com/2013/04/fing.html
