林峯攞獎多謝BB 吳千語進駐豪宅半同居

緋聞不絕嘅Chok王林峯，近日拎到勁歌總選「最受歡迎男歌手」獎，佢當晚喺台上除咗多謝家人外，亦特意多謝「BB」，不過講得好鬼快，少啲耳力都聽唔到，但仍然有好耳力網民聽到仲問BB係邊個？

今日有報道話Chok峯口中嘅BB，正是大半年前同佢斷正夜會嘅19歲吳千語，兩人爆出「峯語戀」，報道話林峯勁冧吳千語，佢哋因為舊年4月拍《男人如衣服》而撻著，吳千語更因為咁，同前港姐王愛倫細仔Derek分手。

據報道4林峯為方便「蜜」會，舊年9月索性豪擲8萬月租麥當勞道豪宅畀女友住，就連傢俬都搞掂埋，哇，都好大手筆喎﹗最正嘅係兩人拍拖未夠一年，已進展到半同居關係，泊到好「峯」頭嘅吳千語，每次出入都好小心，費事愛巢曝光嘛﹗

林峯當晚話多謝BB，係咪嗌緊吳千語你呀?

.林峯攞獎多謝BB 吳千語進駐豪宅半同居
http://veryy8.blogspot.com/2013/01/bb_17.html