2013年1月17日星期四

是我小時候：羅仲謙乖仔玩暗戀

羅仲謙在電影裏扮古惑仔陳浩南，現實中的他卻是一個乖乖仔，讀書時竟然從沒被記過，感情方面更不如浩南精采，小四玩暗戀，中三才初戀，循規蹈矩得很。撰文：皓騫

現年28歲的羅仲謙有一個家姐，他是家中孻仔，由於父母要工作，自小謙仔跟嫲嫲同住，他說：「嫲嫲特別錫我，佢已經走咗好多年，但到呢刻我都會諗起佢陣味，細個我好頑皮，成日匿埋嚇嫲嫲，又記得爸爸每次攞藤條打我，我都揸住嫲嫲衫尾，嫲嫲就會同爸爸講：『謙仔咁乖，做乜打佢？』喺嫲嫲心目中，我做乜都係乖。」

■自認好乖的謙仔最難忘被爸爸藤條燜豬肉。

■4個月大的謙仔眼睩睩，十分可愛。

■謙仔是家中孻仔，家人都很愛錫他。

■謙仔（右）只有一個家姐，兩人自小感情已很好。

愛鼻尖尖女生

功課，讀書時從沒被記過，他說：「遲到都冇試過，邊夠膽走堂，細個只係頑皮，記得有次俾爸爸趕出門口，佢話：『唔要你。』我企喺門口好驚，又試過打爛嘢被罰跪神主牌，嗰時屋企地磚有坑，跪到好攰，但好過被藤條燜豬肉。」

■謙仔（左一）越大越靚仔，站在一班小男孩中十分標青。

■小時候謙仔雖頑皮，但從沒被學校記過。

謙仔雖不如浩南般感情精采，但讀小四已暗戀女同學，他說：「佢皮膚白、鼻尖尖，聖誕聯歡會老師搵學生跳舞，我哋編埋一齊拖手仔，好興奮，後來六年級唔同班好失望。」

至於謙仔的初戀則發生在15歲，對象一樣是同學，謙仔說：「嗰時唔夠膽表白，朋友間接幫我講，結果成功有拍拖，但呢段初戀維持一個學期就無疾而終，唔似煙花燦爛，好平淡咁過咗。」

■謙仔15歲跟女同學初戀，短短一學期已玩完。