名人私生活
忍足五年 榮雪梅離婚
2012年11月08日來自四川、○五年靠 deep V透點出席活動，性感爆紅的 ball場名媛榮雪梅，多年來社交界一直盛傳她與意德混血兒丈夫 Stefano各有各玩，兩夫妻感情撲朔迷離。上週三，榮雪梅艷光四射和老公及兒子出席活動，以為他們一家三口出來以正視聽，大曬恩愛，誰知翌日榮雪梅卻喊曬在電話宣布離婚，「老公褲袋跌 咗避孕套出來，我 哋從來唔用避孕套，我今日講俾你哋知我離婚，就係唔想再返轉頭，結束這一切。」
天堂地獄
上週三寶馬在淺水灣搞活動，一直鍾意為老公扮得靚靚見人的榮雪梅（ Helen），著住開衩長裙，和丈夫及兒子結伴到場。講起十四歲的兒子榮加偉時，她即時笑曬，「佢有無女友？我無同佢講呢 啲，佢 喺英國讀 boarding school。」榮雪梅還說她剛和丈夫去了峇里島三天，「在島上好似再 marry，好開心，佢（老公）同我再求婚，重新戴戒指，我答應同佢一齊。」
原來 Helen講的「重新戴戒指」，真正別有所指，她與丈夫在這五年來分開了九次，今年過年時又分開，「佢一唔開心就離開個家，工作唔開心又離開。」難得再復合， Helen感覺猶如重生，回港後一家三口一齊去活動，延續快樂，點知活動過後，丈夫不小心跌了避孕套， Helen即時醒曬，「一小時前我還如此快樂，上天為何又一次讓我看到他的真相？佢每次都講 this is the last time，點會有 last time？」丈夫有無即時解釋？「當然有，但事實就在面前，解釋也沒用。」 Helen更因此事失眠，「我唔想再 瞓唔到，我想有 better life。」 Helen坦言仍愛丈夫，但一而再的背叛令她難以忍受，「我好鍾意呢個男人，佢完全了解我，但夠啦！不能再受傷了。」 Helen在電話中嗚咽說。
易氹
Helen坦言她啞忍了多年，甚至有傳媒影到她與異性夜蒲，指她紅杏出牆，實情卻是有苦自己知。「我出街係因為佢離開我，我搵人陪嚇，但邊有同男人返屋企？我無做對唔住佢 嘅 嘢。」
Helen與在深圳開手袋廠的丈夫，於九八年在朋友的派對上認識，相識兩年便結婚。五年前婚姻開始起暗湧，丈夫搬離屋企後又回頭，「佢之後諗諗嚇，覺得我好就返嚟求我，我係好易氹 嘅女人。」
兒子支持
五年前第一次分開， Helen最感痛苦，「最痛苦係第一次，開始問朋友婚姻係點樣，買好多關於婚姻的書，我搵原因，是否自己大女人？可能我經濟能力好過佢，佢要搵其他女人去平衡嚇。」 Helen更不介意為頭家出錢，「佢生意呢七、八年來未好過，大部分時間我支出，實際數目唔可以講，我唔介意付出咁多，但仲唔可以好好哋對我？」 Helen最緊張兒子，幸而今次囝囝亦支持她的決定，「囝囝支持我，我同佢講你 make sure玩夠才結婚；人係無完美，你可以做錯一次半次，但唔可以不停地錯，這 too much了。」
近年 Helen信了基督，心情好過一點，「睇《聖經》平復 咗好多，有幾快樂就有幾痛苦，係自己肯唔肯放手，放手就傷害不到自己。」至於財產和撫養權，她說：「五年前已簽 咗分居協議，佢不要我 啲財產，佢亦無可能俾我，但離開 咗大半年後，佢又氹番我，撫養權就未傾。」 Helen決定返四川療傷，「唔想知唔想睇，轉過頭，模糊過往的苦難才得以生存。」問 Helen有無後悔嫁給他？「我無怨無悔，一齊好開心，發現時好痛苦，這就是愛情，都值得，好過乜都無。」
