同你吟一吟
峇里拍拖 Sammi咭咭笑
2012年11月08日香港拍拖，去太平館食個飯都俾人發現嘅牛脷文同豬髀安，要享受二人世界，唯一做法，搭飛機出埠。
星期一（五日）， Sammi同許安去完峇里度假返香港，傳媒集齊機場候駕，晚上九點二十分 Sammi先出閘，十分鐘後到許安，同閘前後腳現身，係都唔俾大家影合照。
問佢哋係咪預支蜜月？有冇求婚成功？諸如此類，零妝戴住口罩嘅 Sammi一律「咭咭咭」回應，反而許安就冇厘大方，面黑黑唧都
唔笑！
莫非閣下因為見到咁大棚人嚟接機唔 happy？應該估到，冇嘢呀！慳啲啦！
