同你吟一吟
劉華細路同樂日
2012年11月08日得一想二，劉華五張得女，想追多個仔湊成好字，人之常情！不過，即使老婆朱麗倩唔怕辛苦，但肚皮點都要休息一年半載，先可以再開工。
唔緊要，人哋嘅仔女，望梅止渴一樣嗒糖。上星期六（十一月三日），劉華同葛民輝、林海峰等一班商台 DJ出席慈善跑步禮，眼見在場過千名三到十二歲小朋友，劉華開心到十足細路見糖一樣，流曬口水，喺台上同啲小朋友做熱身操，又乘機抽水，摸頭抱抱做齊。
都係嗰句，股票磚頭要吼低位買，仔女要趁嫩生，他日天王女劉向蕙芳齡二十，劉華都七十，要嗌劉伯！
