同你吟一吟
曉明挺 Baby冇再整容
2012年11月08日陳豪陳茵媺拍拖光明正大，至於黃曉明同 Angelababy呢一對，雖然把口唔多願講，但保護女朋友責任，海綿蛋糕做得到。
星期一（十一月五日）電影《血滴子》 響天際 100舉行發布會，除 咗當緊兵 嘅阮經天冇到，大會安排佢 嘅蠟像到場頂住，其他主要演員到齊。
見到個蠟像，海綿蛋糕同好多強國人遊客一樣，手多多走去摸，仲插隻手指入假小天個鼻窿， encore再插多次影相都冇托手 踭。
記者問黃曉明有關 Baby最近再傳整容 嘅新聞，佢聽完之後以絕對肯定 嘅語氣話：「不可能，（你摸過？）哈，太難回答，絕對沒有了！」呢度又唔係法庭，你話冇咪冇囉！
