探熱針
爆喊樂基兒 show價急升兩倍
2012年11月08日樂基兒和黎明宣布四年婚姻玩完後，樂而忘返的 Galie本月一日終於返港見人，公開落淚講離婚外，更接受好友楊崢商台節目訪問，再次強調沒有收過 Leon傳聞中的兩億掟煲費。
有部署地交代完一切，本週一（五日） Galie到大浪灣滑水，第二日又外出做運動。據知，回復自由積極裝備自己的 Galie由閨中密友教路，公開搏完同情再將接 show價抬高，由十萬颷到三十萬，造勢加價。
日日做運動
本週一（十一月五日）下午約一時， Galie坐保母車到大浪灣滑浪，同行還有兩位女性朋友、兩名小童及一個滑水教練。穿上黑色背心跟教練學衝浪的她，站在滑板上有點腳震，很快便被浪推低，玩了個多小時開始掌握到技巧後， Galie上岸，玩到三時多，一行人才收拾東西去沖身。
第二日一早， Galie又再出動到銅鑼灣做 gym做 facial，然後入跑馬地醫肚，食飽再去 IFC試衫，行程緊密。雖然被傳媒追訪，她仍保持友善微笑。
療傷十個月
婚姻破裂，從外地曬得一身古銅色回港的 Galie精神飽滿，心情似乎早已收拾好。
「識 Galie嘅人都知道佢戀愛大過天，佢同 Leon結婚一年後已經有問題，為 咗迎合對方，佢由一個好動 嘅人變成藝術家咁，畫嚇畫睇嚇書；身邊朋友都唔睇好，但嗰時 Galie覺得可以繼續落去。到咗今年年頭，情況愈來愈差， Galie每次見到身邊最好 嗰幾個朋友都喊，婚姻有問題，但對住外面人仲要扮冇 嘢，佢用 咗差不多十個月先放低，就算話佢有第三者， Galie都覺得冇所謂，因為佢終於可以做番自己。」 Galie身邊密友說。
專吼黎明舊愛
本月七日， Galie高價出席積家錶活動，但無獨有偶，與黎明拍過拖的舒淇、李嘉欣，都曾經與該品牌合作，加埋 Galie， Leon三位舊愛，齊曬！
軍師教扮可憐
上星期五（二日）， Galie出席 Marc Jacobs活動，在接受傳媒訪問時突然爆喊。隔一日（四日），她接受好友楊崢主持的商台節目《一圈圈》訪問，公開澄清無收過外傳的兩億掟煲費，甚至連求婚鑽戒也欠奉。 Galie沒有說前夫半句壞話，只強烈否認自己貪錢傳聞。
「 Galie係個鬼妹，冇機心又唔識討好人；話佢爛玩有第三者搞到要離婚，又話佢收 咗 Leon好多錢，啲衰嘢全部衝住佢，啲好朋友睇唔過眼，教佢扮弱者扮慘攞同情分，再借住離婚單新聞嗌高 啲 job價，但長遠 嘅係要洗底，唔好再俾人影到夜蒲相，做多 啲健康活動，重新建立形象。」 Galie身邊好友說。
半小時三十萬
回港復工， Galie以二十萬接 Marc Jacobs活動，成功引來半百傳媒採訪，本週三的積家錶活動，據傳酬勞更跳上三十萬，眨嚇眼，五十萬落袋。
「其實 Galie啱 啱同 Leon拍拖 嘅時候，已經同積家錶有合作，當時佢 嘅價係十萬蚊，本來今次都係搵佢行 show，但佢拒絕 咗，只做 closing嘉賓，半個鐘收三十萬，但佢人氣夠，所以對方諗都冇諗就用。」失婚 Galie，搵錢至上。
自辯清白
一直有指樂基兒收了黎明兩億掟煲費，唔想負上貪錢罪名， Galie決定在好友楊崢的電台節目中澄清，公開推翻指控。
無收掟煲費
「我同佢（ Leon）拍拖 7年，佢送過我跑車，不過因為我技術差，唔啱我，所以最後賣咗。我都送過支佢生日年份嘅威士忌，價值過 6位數。離婚只收一個好少的協議數目，千萬都講唔上。」
離婚無第三者
「離婚唔係第三者，如果可以將離婚協議書俾大家睇，可能大家會覺得好簡單。分手並唔一定係因為有醜聞或有人做錯事，有時 relationship只係 doesn't work out。」
