同你吟一吟
陳豪陳茵媺甜行尖咀
2012年11月08日盛傳有曬 plan，打算明年拉埋天窗 嘅陳豪陳茵媺，堅持將喜事放入密實袋，封到實一實唔講，不過見佢 哋拍拖甜蜜畫面，就知陳陳聯婚呢一餐走唔甩。
上個禮拜二（十月三十日），陳生同準陳太尖沙咀海港城行街街，沿途陳茵媺笑住繑實陳豪，路過途人見到佢 哋 sweet到震個樣，都忍唔住望到眼定定。
有人話愛情盲目，偏偏陳豪未盲曬，見到《壹》仔影相，陳茵媺後知後覺，怕醜縮手唔敢再繑住未來老公。
當日行街有收穫，陳豪攞住個專賣女裝 嘅 Max&Co袋，自己仲 孭住個大背囊加手提包，粗重工夫男士代勞，陳茵媺輕輕鬆鬆斜 孭 Chanel小手袋行入 LV，不過睇唔 啱，跟住兩個去攞車走，賣甩《壹》仔呢個大燈膽。
