探熱針
周家蔚曬 37吋巨肚
2012年11月08日佗住洪家龍 B七個月，周家蔚停工養胎依然坐唔定，跟好姊妹梁靖琪（ Toby）搞內衣生意仲做埋生招牌，早前又聯同陳慧琳、楊千嬅等一班娛圈龍媽，助老友穀祖琳成立的慈善基金影親子月曆。
愈影愈過癮，周家蔚拉埋老公洪天明齊齊剝，生曬 37吋巨肚。
三點不露
一直有意影大肚相留念的周家蔚，日前挺住三十七吋巨肚，由老公洪天明傍實，一家三口到影樓影相。
上圍升級、體重升上一百四十磅，周家蔚著 tube top貼身褲擺甫士，準老豆洪天明配合曬肌，兩粒鐘，攬老婆錫肚肉麻 pose做齊。
「有咗 BB之後，我一直都叫天明喺屋企幫我影裸照留紀念，一來自己未算好肥，上鏡還可以，但最大原因係有個做咗媽咪 嘅朋友，叮囑我影低大肚個樣，加上我佗仔，肚形會靚 啲，話唔影會後悔一世喎。呢幾個月天明成日 喺內地開工，佢一返嚟我都叫佢揸機幫我影相，雖然係裸照，但三點不露。」
再添食
今次玩到入影樓，周家蔚事前做足準備，做美指揀衫玩配搭，再搵書睇相參考 pose，又 瞓又企兩粒鐘，但過足癮。預產期在明年一月底，她考慮趁天明返內地開工前，再添食。
「老公冇嫌我煩，雖然佢同人講話我佗 BB之後脾氣大，但我 feel到佢成熟 咗好多，好多時都推朋友聚會留 喺屋企，有次佢飲醉話以後會好努力搵錢，佢壓力好大，好似有產前抑鬱咁。」周家蔚笑說。
請定假陪老婆生第一胎，承諾搏命搵錢養妻活兒的洪天明早已豪使廿萬，買定一隻一卡半鑽戒預祝老婆榮升媽咪：「佢一直都話要買戒指俾我，之前託朋友幫我揀鑽石，然後再諗款鑲，我好感動。」收大禮的周家蔚說。
一打龍媽齊出力
明年一月做龍媽的周家蔚，與一班龍媽女星包括陳慧琳、楊千嬅、郭羨妮、陳自瑤、楊思琦以及腹大便便的朱薰等，於同屬龍媽族的穀祖琳拉攏下，為「香港思覺失調學會」拍攝 2013年曆籌款。
由於穀祖琳的 嫲 嫲及胞弟，先後因為抑鬱病影響而自殺，令她分外關懷思覺失調患者，常出手為該學會籌款。早前她又碌盡人情咭，邀請圈中龍媽，由 Wing Shya操刀為學會拍攝年曆。位位龍媽不收分文，還有 B出 B，有肚出肚，為該學會今年底舉行的相展出力。
