探熱針
爛尾 冇大牌冇慶功 《勁歌》慘情落幕
2013年01月17日曾經是歌手攞獎指標的無綫《十大勁歌金曲頒獎禮》，最後一屆舉行，亦是最無睇頭一屆。全晚由英皇及星煥兩間公司玩曬！恨咗好耐，終於得米做「最受歡迎男歌星」的林峯，加埋王菀之攞金曲金獎，許廷鏗、鍾嘉欣、小肥都得金曲，既無巨星撐場，就連無綫亦求其了事，搬返電視城舉行，連慶功宴都欠奉。搞咗三十年，《勁歌》最終慘情落幕。
英皇星煥玩曬
未實牙實齒向外公布，但無綫已有方案，決定明年停辦《勁歌》頒獎禮，全力爭取明年舉行「四台聯頒」，但商台、港台、新城的反應並不熱衷，「四台聯頒」成事與否，仍是未知之數。
「無綫係最大力贊成搞『四台聯頒』，若然成事，大牌歌手都會撐場，唔會好似依家《勁歌》咁冷清清，仲可以撇開四大唱片嘅問題，加上得無綫一個係電視台，頒獎禮節目直播，一定無蝕底！」知情者說。
同四大唱片反面多年，《勁歌》頒獎禮早已變得星光暗淡，去年餘詠珊加入無綫後，老公何哲圖旗下的星煥唱片，亦理所當然成為今年《勁歌》第二大贏家，頭號「友好」英皇獲十三個獎，星煥亦擸走七個。
冇人撐樂大媽
「最受歡迎男歌星」，加上今年古巨基缺席唔玩，左手同右手玩的林峯，攞獎坐定粒六。
據了解，在《勁歌》總選高層評審大會上，一直力撐林峯的樂易玲，曾爭取將兩個《勁歌》男歌手獎一併頒給林峯，但六人高層會議中，只有樂大媽一人投選林峯同時攞兩個男歌手獎，當中以餘詠珊與樂易玲爭持得最激烈。
「以往係有人同時攞兩個男歌手獎，好似○四年劉德華同○七年嘅陳奕迅都試過，將林峯同華仔 Eason列為同一級數，肯定會變成世紀笑話，無綫唔想再俾人鬧爆，所以好避忌，但因為揀無可揀，『亞太最受歡迎男歌星』於是俾咗台灣組合 LOLLIPOP F！」一名《勁歌》幕後說。
焗住唔搞
停辦《勁歌》，其實無綫也是無路可走。據了解，以前的頒獎禮，都吸引不少廣告客戶贊助，包括在慶功宴買枱；但自從同四大唱片割席，《勁歌》的吸引力大不如前，今年雖然盛傳是最後一屆，但也因為無廣告客肯俾錢買枱，搞到連慶功亦要取消。
.[壹週刊]爛尾 冇大牌冇慶功 《勁歌》慘情落幕
http://veryy8.blogspot.com/2013/01/blog-post_615.html
