拉隊癲喪迪士尼 志偉道歉：我一個負責
曾志偉大前晚在迪士尼樂園酒店搞60歲大壽生日P，誰知他們越夜越放肆，將迪士尼變成成人樂園，喪隊酒之餘，更大唱粗口歌兼煲煙嘆雪茄！不過，志偉昨日於銅鑼灣出席芝麻街《童心同心》音樂劇慈善記者會時，看來心情未受影響，更與小朋友大玩遊戲。
不過，志偉直認報道出街後，他已致電所有好友及迪士尼道歉，並說：「我話造成任何麻煩，我一個人負責，say sorry！但大家好錫我，迪士尼又話唔使say sorry，佢哋話嗰個係酒店function room，會租畀人結婚同團體用，亦有新郎新娘夜晚瞓覺，都要洞房，唔係小朋友嘅地方，佢叫我唔好太介懷。」
提到唱粗口歌，志偉指人需要抒發，又死撐唱歌時會有粗口，如果不講就代表不開心。對於用粗口鬧佘詩曼，他笑說：「嗰個係rap，除咗農夫，普通市民都識rap。」他自爆陳寶珠離開後才開始飲酒，又指當時見有人吸煙，因外面有記者，才叫他們不要出去吸煙：「唔好破壞迪士尼形象，最好唔食，所以有小朋友時係冇人食，後來（小朋友）走曬，有人忍唔到。」
■志偉昨日心情甚靚，與小朋友打成一片。
阿B：唱粗口歌係善意
鍾鎮濤（阿B）昨日在微博留言：「我們在私人派對唱粗口歌，是出於善意。既然都是成人，自己開心，又可以帶歡樂給人，又沒傷害人，豪情高歌，何樂而不為？」
採訪、攝影：黃曉妍
■阿B（右）與志偉在派對大唱粗口歌。 資料圖片
.拉隊癲喪迪士尼 志偉道歉：我一個負責
http://hittt.blogspot.com/2013/04/blog-post_6835.html
