北京直擊 「毀容」幹露露整容院磨皮

FBI

北京直擊　「毀容」幹露露整容院磨皮

前排來港搵銀嘅內地 E奶車模幹露露，上週一先返北京，點知兩日之後，有北京網友喺微博上載幾張疑似幹露露同一男子喺 cafe談心，被正印當場捉姦狂毆嘅相，更指幹露露被打到毀容！ FBI先搵幹媽媽求證，幹媽媽話同幹露露推撞嘅係阿妹幹毛毛，兩姊妹只係玩緊。不過 FBI之後追問幹露露經理人寶軍，佢就先以短訊回覆︰「她目前在家休養，情況不樂觀。」

週日 FBI派人去咗北京了解，發現戴住口罩嘅露露同幹媽媽靜雞雞去咗整容醫院，佢兩個見到有記者就唔出聲一支箭衝入 VIP休息室，之後兩母女就被護士帶去病房，大約兩個鐘後先離開。 FBI聽露露經理人講，露露的確係同一個已婚嘅生意人約會，而打佢嘅正係呢位生意人嘅老婆，不過 2人就絕對無嘢，只係正印誤會咗。至於露露係被打歪咗個鼻定係打爆咗個胸， FBI就索到佢其實只係擦損咗塊面咋嘛，去整容醫院只係做磨皮護理咁大把。一句講曬，似係兩母女自導自演搞宣傳喎！

上星期，有網民拍到幹露露約會一名男子，其後被疑似嗰位男子嘅老婆打。照相睇，其實只係推撞吓，點都聯想唔到毀容囉！網上圖片

網上圖片

入到 VIP休息室，幹露露仍唔肯除口罩。

離開 VIP休息室後，兩母女急急腳入病房。

搞咗 2個鐘頭先離開，露露原來去磨皮咋！

着咗等於冇着，係幹露露嘅標誌，不過由於露露嘅胸部應該係真材實料，所以今次冇被打爆胸。

網上圖片

幹露露喺內地做車模，原本冇乜人識，但喺 11年 2月 14日情人節當日佢上載咗一段「母親衝進澡堂給女兒浴室徵婚門視頻截圖拍視頻徵婚」嘅視頻後一炮而紅，早前佢來港仲話蕭定一請佢做《 4D肉蒲團》添！

《 4D肉蒲團》蕭定一：我搵佢客串咋！

幹露露早前來港，主要係搵蕭定一斟演年尾開拍嘅《 4D肉蒲團》，佢仲話答應全裸參演。今次面部受傷，露露話好擔心會被《肉》片監製蕭定一飛起。

FBI即刻打畀蕭定一了解，佢話十劃未有一撇，「我搵佢客串咋！套戲出年先拍，好多個角色都未定，包括女主角，仲有劇本都未寫。上次佢嚟香港，我都無見過佢。（擔唔擔心佢被打到毀容拍唔到戲？）唔擔心，因為我知單嘢係假嘅！」哈哈，呢啲橋，點呃到蕭定一隻眼啫！

上集《 3D肉蒲團》主角雷凱欣掛住瘟仔失咗蹤，所以新一集就會轉搵幹露露等新肉旦。

撰文、攝影： FBI

電話報料： 9106 2799

電郵報料： mailto:facenews@nextmedia.com

. 北京直擊　「毀容」幹露露整容院磨皮
http://hittt.blogspot.com/2013/04/blog-post_1418.html