搜尋此網誌

2013年4月5日星期五

哥哥紀念演唱會 商天娥最掂  Kelly最有心




媽咪姐

哥哥紀念演唱會 商天娥最掂  Kelly最有心

為紀念哥哥逝世十周年,陳淑芬由周日( 3月 31日)起一連兩晚舉行「繼續寵愛•十年 Miss You Much Leslie」。音樂會當晚唔單止天王天後撐場,熱情嘅 fans更令哥哥至愛嘅唐唐感動。雖然外界對音樂會有好多批評,就連陳淑芬都話演唱會有好多瑕疵,但紀念貴乎真心啫。睇見一班摯友傾全力演出,如果連唐唐都滿意,相信哥哥都應該感到安慰。

Kelly一連唱咗多首哥哥嘅快歌,可惜被蘇施黃指佢舞步似機械人。不過有網友代為平反,指 Kelly綵排時間最多,係對音樂會及哥哥最有心嘅歌手。

張敬軒挑戰難度

張敬軒嘅「雌雄同體」被指不及哥哥當年水準,但哥哥地位誰能代替呢?有 6、 7成已經好好㗎啦。

蔡一傑妖冶露肉

草蜢分別唱咗〈紅〉同〈怪你過份美麗〉、不過最出位,都係成員蔡一傑 solo唱〈偷情〉,當時佢除衫露出印有哥哥紋身嘅玉背,嘩,引死人!

容祖兒天後甩轆

容祖兒唱功一向穩定,不過當晚表現有啲失準,慘被網友大彈。

紀念停不了

演唱會翌日( 1日),同時係哥哥死忌。當晚舉行嘅「繼續寵愛.十年.紀念晚會」未有紅星現身,但播放唔少哥哥生前摯友嘅訪問片段。

跟張國榮拍過拖嘅毛舜筠透露兩人熱愛唱粵曲,最後眼紅紅表示:「好掛住你!」場面感人。

梁朝偉為演唱會出力,身為老婆嘅劉嘉玲亦錄製片段,大談昔日跟哥哥嘅往事。



. 哥哥紀念演唱會 商天娥最掂  Kelly最有心
http://hittt.blogspot.com/2013/04/kelly_5.html
Related Posts Plugin for WordPress, Blogger...