媽咪姐
徐子珊交際花唔易做
最近,有指張兆輝狂轟無綫大細超,拍新劇《神槍狙擊 2013》時受咗傷,但仍要踩足 30小時冇得唞!報道出街後,輝哥否認有鬧過無綫,仲吹雞請班台前幕後食煞科飯,就連藝員科高層樂易玲都有份。
輝哥請食飯,同劇演員都仆住到,唯獨周海媚全晚冇影,難怪徐子珊零舍鬆毛鬆翼,滿場飛同人敬酒,可惜佢點都敵唔過青春無敵嘅岑麗香!香香遲大到,主人家張兆輝唔鬧不特止,仲同佢有講有笑影合照,連樂小姐都摸住佢面珠登吹水。睇嚟徐子珊下次都要加多兩錢肉緊 social嘞!
. 徐子珊交際花唔易做
http://hittt.blogspot.com/2013/04/blog-post_4940.html