出外埠
中韓藝人撞衫 PK賽
女藝人嘅大忌係咩呢？冇錯嘞，就係撞衫！正所謂人比人，比死人，就算唔同場合，一樣會俾人攞嚟比較。呢，最佳樣板，就係中國一姐劉嘉玲同韓國一姐孫藝珍嘞！事關佢哋竟然以同一髮型、同一件 Salvatore Ferragamo出現。尷尬到呢。
劉嘉玲孫藝珍 乜都撞
話說早前，劉嘉玲及韓國一姐孫藝珍（右）出席 Salvatore Ferragamo喺北京搞嘅活動。佢哋竟然由髮型到衣着，甚至影相背景完全一樣，真係夾都冇咁準。查實兩人都可以 carry得起件衫，不過媽咪姐私心認為，都係劉嘉玲比較好，至少心口多啲嘢睇嘛﹗
輸把頭髮 楊冪
韓彩英早前以一襲 GUCCI晚裝出席 GUCCI活動，無獨有偶，強國女星楊冪（右）亦着住一模一樣嘅衫出現喺米蘭時裝騷。唔好話媽咪姐哈韓，韓彩英着得的確比楊冪好睇好多，事關楊冪嗰頭大鬈髮好風塵，強國味好濃囉！
玄彬郭德綱 一個俊一個土
唔單止女藝人撞衫，男藝人亦難免。好似玄彬，佢嘅衣着一向甚有型格，就講呢件豹紋恤衫，再配以黑西裝， very sharp醒。但勢估唔到強國相聲界有名嘅郭德綱都趕潮流，着番件豹紋恤衫，可惜佢就算唔出聲，感覺仍然係典型強國大款。所以話，兩個人着同一件衫，會出現兩個唔同效果。
. 中韓藝人撞衫 PK賽
http://hittt.blogspot.com/2013/04/pk.html
