FBI
華姐出局 奀星冧掂楊受成細仔
2012年10月17日英皇主席楊受成細仔楊政龍前排同前華姐倪晨曦、苟芸慧開船 P， FBI都以為楊政龍咁識食，專食選美靚女，但原來楊政龍 嘅正印女友另有其人。
前週六（ 6日）， FBI喺跑馬地撞到楊政龍同倪晨曦成班 friend。當晚楊政龍揸住架約 60萬 嘅 GT-R，泊 咗 喺街，成班人落曬車企街吹水，吹 咗 15分鐘，突然有個女仔 喺 GT-R落車，原來係秦沛嘅寶貝女，做過主持出過碟、最近同阿哥孖住過檔王維基 CTI嘅薑麗文（ Lesley）。當日見佢同楊政龍好鬼 sweet，男方仲當街幫女友捏膊頭鬆骨，之後 Lesley就上番男友架車走人。 FBI之後打過電話畀 Lesley阿哥薑文傑，問佢知唔知阿妹同楊政龍拍拖啦，佢話︰「唔知喎，我同阿妹呢排好少見面，我幫你問嚇佢……。」睇嚟秦沛女真係大有機會做下一個億萬新抱。
放大圖片
薑麗文、薑文傑老豆係老戲骨秦沛。 2010年，原本喺日本 NHK台做兒童節目主持嘅 Lesley回港，孖住阿哥自資造獨立音樂，以 Benji and Lesley組合闖樂壇。兩兄妹同老豆關係超好，不時上載全家福相上微博。網上圖片
放大圖片
穿煲狗
10月 6號晚俾 FBI撞到佢哋喺街吹水，原來當日日頭楊政龍就去咗開船 P，當日船 P薑麗文都 喺船上，但刻意避開上鏡，只 喺微博上載一張狗相，話同朋友出海。而呢隻狗仔，同楊政龍當晚喺街抱住嗰隻係一模一樣。
華姐煙幕
暑假期間楊政龍搞船 P，倪晨曦、苟芸慧及韓模蔡恩真都 喺船上面，但原來佢地都只係煙幕。
