搜尋此網誌

2012年10月17日星期三

[FACE]虎女 黃芷晴




Girl in Summer

虎女  黃芷晴

2012年10月17日

細細個睇住老豆阿媽拍戲,身為明星二代的黃芷晴( Adrian),從小已習慣演藝家族的「教育」, 22歲的她,去年理大設計系畢業後,難得父親黃日華亦鼓勵她入娛樂圈,趁青春博一博。

五虎出身的老豆,甚至唔介意父女檔上陣,離開「 Totally Very Bad」的無綫後,父女齊齊加盟王維基的新電視台,雖然有傳 CTI開台有阻力,不過黃芷晴仍然大無畏:「我未擔心過!」

要驚,都有老豆陪!

黃芷晴八月中開始拍攝 CTI劇集《開腦儆探》,第一套劇就要跟老豆學做戲,初入行的她坦言好唔習慣。「最初對住老豆做戲好唔自然,因為劇中角色係幫佢手查案,唔係做佢個女,感覺有點奇怪!見到老豆做嘢好認真,佢又教我好多拍劇嘅嘢,又同我喺屋企對戲,要我做定拍劇前的功課,我先知做戲唔係咁簡單。之前都有人問我驚唔驚拍咗嘅劇冇得出街,不過我未驚過囉!政府連地都批埋畀佢,點會唔發牌呀?」諗得簡單咗啲喎!

放大圖片

黃芷晴拍劇唔揀 TVB,反而跟父親黃日華加入 CTI陣營,實行聽曬老豆話。

老豆愛摺紙

黃日華一向火爆, 黃芷晴卻話老豆平時好少鬧人,反而鍾意玩摺紙。

黃芷晴說:「除咗拍劇,我希望有一日可以開一間屬於自己的小店。我鍾意造手作,可能都係老豆遺傳,佢好鍾意摺紙,加上佢有好多諗頭,得閒就喺屋企用紙摺出唔同圖案。我有時都會同佢一齊玩摺紙,近排仲一齊學整皮具,佢仲整得好過我添。」估唔到華哥除咗鍾意踢波外,嗜好咁另類喎!

Profile•年齡: 22歲•身高: 5' 4"•三圍: 33-24-33•最愛韓星: 2NE1•追期熱聽: G-DRAGON〈 THAT XX〉



Related Posts Plugin for WordPress, Blogger...