搜尋此網誌

2012年11月13日星期二

婚前一日各有各忙 盈盈掃貨 樂樂開工

video


婚前一日各有各忙 盈盈掃貨 樂樂開工

國寶婚搏殺 大肚盈盈拖姊妹出巡

【盈盈樂樂 樂盈盈之最後衝刺】最近娛樂圈婚事一單接一單,今日終於輪到盈盈樂樂結婚了。一直是工作狂的錢嘉樂,昨日仍在西九龍為新戲準備;腹大便便的湯盈盈則與周家蔚等相伴,去尖沙嘴瘋狂購物。

錢嘉樂和湯盈盈拍拖五年,今日在海洋公園註冊結婚,還有一對國寶熊貓盈盈樂樂做見證,夠曬別緻。懷有蛇B的盈盈昨日心情靚靚,約埋一班好姊妹周家蔚、梁靖琪(Toby)和鍾麗淇到尖沙嘴嘆下午茶兼購物,實行婚前最後衝刺掃貨。



【今日我至揀】湯盈盈今日就嫁,噚日仲約埋一齊陀蛇B嘅周家蔚買袋,兩個大肚婆有商有量揀唔停㖭!

孖姊妹團行街

昨日盈盈相約姊妹團到酒店傾談婚禮細節,並預備玩兄弟策略,下午3時多,眾人到尖沙嘴的Twist行街,她們趁名店減價便買唔停,預產期是明年1月的家蔚不時趷高踎低揀手袋,與懷有6個月身孕的盈盈似乎特別鍾情大袋。她們在店內揀了個多小時,最後人人有收穫,但未知是否防盜鐘出錯,離開時警鐘突然響起,嚇到盈盈等人尷尬儍笑。

瘋狂購物後,盈盈、家蔚等幫襯街邊雪糕車買飲品,問盈盈心情如何?她最初笑而不答,Toby見狀代解圍說:「我代佢答,好開心囉!」然後家蔚等一齊起哄大叫,盈盈見大家都咁興奮便說:「我都好開心呀!」



盈盈與周家蔚兩個大肚婆都唔戒口,買完袋就飲凍嘢。

結婚得4日假

老婆開心購物,做老公的嘉樂當然要努力搵奶粉錢,身為《風暴》動作指導的嘉樂,昨日到西九龍海濱長廊與劇組開會,劉德華與林家棟在現場拍戲。嘉樂說:「劇組畀我放4日假,但之後要返嚟拍一場重頭戲,所以要做啲準備。」他透露昨晚會約一班兄弟見面,傾談反擊姊妹團的大計,他說:「老婆係鬼妹仔,鍾意中國傳統儀式,但上頭唔會係今晚,應該會係擺酒前一晚先上頭,我哋唔使跟得太足,最重要輕鬆同開心。」

採訪:嵐山、張俊銘

攝影﹕陳慧安、黃偉雄



錢嘉樂今日結婚,但昨日仍要開工,認真忙碌。



劉德華與林家棟拍這場戲,很有《無間道》feel。

上一則:人肉偉仔板

下一則:Eason親教囡囡性教育



Related Posts Plugin for WordPress, Blogger...