人肉偉仔板
【場內直擊】為老友杜德偉大婚擔任兄弟的影帝梁朝偉，繼前日上午到粉嶺接新娘時被圍村師奶包圍後，前晚深灣的婚宴上再度淪為人肉佈景板。本報記者目擊有超過半百賓客不停走上前拉住偉仔合照，初時偉仔還保持笑容，但偉仔每食一道菜都不停受騷擾，結果跟數十人合照過後，偉仔終於由強顏歡笑變成面黑黑，最後甚至扁曬嘴擺明唔高興。雖然坐在偉仔身邊的劉嘉玲不時安慰，但最終到偉仔開心的竟是在場魔術師，魔術師在偉仔面前表演啤牌魔術，成功得偉仔再展笑顏。
採訪、攝影：徐錦池、吳耀輝、朱志聰、陳慧安、馬建華
【1】兄弟團梁朝偉與鍾鎮濤、林利及一眾姊妹前晚步入深灣遊艇俱樂部，連小朋友也攞住平板電腦對住偉仔狂影，可見偉仔魅力十足。
【2】長髮美女拉偉仔合照，偉仔不但輕輕摸住女方玉背，還指一指女方整鬼整馬。
【3】婚宴上偉仔與吳孟達難得碰面，於是跟太太劉嘉玲和葉童夫婦一起大合照，當時偉仔還笑容滿面。
【4】偉仔整晚不停要擰轉身跟賓客影相，長髮男賓客跟偉仔合照，偉仔仍保持笑容。
【5】跟半百賓客合照過後，偉仔不但開始黑面，而且更扁曬嘴，但賓客唔理三七二十一照影，將快樂建築在偉仔痛苦之上。
【6】梁家輝也走埋偉仔身邊吹水，相信偉仔今次嘗到做兄弟滋味後，應該只此一次下不為例。
【7】一位賓客忽然興起拿出啤牌玩魔術，成功吸引阿B、偉仔和吳國敬注意。
【8】淪為人肉佈景板而黑面的偉仔，看到魔術師出神入化的表演後回復靚靚心情，再次展露招牌笑容。
【9】杜德偉偕太太Ice跟偉仔和嘉玲等賓客敬酒，嘉玲將手上的酒一飲而盡。
【10】忙了一整天的偉仔，前晚11時偕嘉玲離開。
上一則:德偉全貓宴
