搜尋此網誌

2013年1月18日星期五

[忽然1周]患高血壓妊娠糖尿 超磅湯盈盈隨時早產

肚大如籮 <br><br>佗住 8個月 B女的湯盈盈,巨肚如籮,已不似個多月前仍能健步如飛,即使行平路亦見她唞大氣。而未知是否佗 B女關係,湯盈盈即使冇化妝,但皮膚依然白淨滑溜。


滾熱辣

患高血壓妊娠糖尿 超磅湯盈盈隨時早產

2013年01月18日

延續生仔熱潮,去年 11月奉女與錢嘉樂成婚的湯盈盈,蛇年將會打頭陣生蛇女,預產期 3月中。不過日前本刊獨家拍得這位思想西化的「非常星媽」,挺住 8個月巨肚,竟以時速 140公里在西貢飆車。她在新劇《老表,你好嘢!》憑導遊「惡珍」上位,估唔到現實中揸車同樣夠辣。

飆車外,一向為食的湯盈盈,佗 B期間過度進補,因而超磅患上妊娠糖尿兼高血壓。還有個多月便生得的她,隨時早產。

自從 8月公開宣布有 B,湯盈盈為新劇《老表,你好嘢!》及《衝上雲霄 II》埋尾後,便停工專心養胎。近日,老公錢嘉樂忙於為劉德華新戲《風暴》開工,一向好動的湯盈盈,即使佗住 8個月、接近 50吋的巨肚,依然日日揸車四圍去,甚少長留家中。

放大圖片

姊妹解悶

湯盈盈幾乎日日出街搵節目。周二( 15日),她便孖實 Toby兩公婆到又一城行街,著 上貼身冷衫後, 50吋巨肚無所遁形。

放大圖片

錢嘉樂和湯盈盈去年 11月奉女成婚,當時佗住五個月 B女的湯盈盈,上圍由 34C穀到 36D。

長命斜狂踩油

月初,本刊記者一連數天觀察,發現每天都外出的湯盈盈,揸車依舊狠辣,時快時慢唔在講,在三線行車時,更左穿右插。本月 5日下午三時,她獨自從匡湖居寓所駕駛平治房車外出,到尖沙嘴咖啡店嘆下午茶。起初她以時速 70公里在平路駕駛,但過了迴旋處上南圍方向時,她突然車神上身,在限速 70公里的「長命斜」,竟狂踩油以時速 140公里駕駛。不消五秒,記者連她的車尾燈都見不到。上斜後向大埔仔方向行車時,她卻忽然減速至 70公里正常駕駛。

之後,出九龍方向一段路,雖沒有再超速,湯盈盈的車子卻在車道中左穿右插。在臨近尖沙嘴彌敦道及科學館道的分叉路口,她突然向左 cut線,差點撞石壆,嚇得記者一額汗。湯盈盈挺住巨肚揸車已經好危險,加上駕駛態度及技術,確實令人擔憂。

放大圖片

揸車搵命搏

老公錢嘉樂鍾意賽車,湯盈盈揸車亦同樣狠辣。記者親眼目睹她在西貢上大斜路時,踩行油以時速 140公里上斜,比起路面規定行的 70公里,足足快一倍。另外,她亦喜歡在路面左穿右插(小圖),更試過連 cut三線。

放大圖片

左穿右插

放大圖片

無礙心情

雖然被醫生診斷有高血壓和妊娠糖尿,但一向鬼妹性格的湯盈盈,依然無損心情,見到記者時,更露出鬼馬笑容。

放大圖片

𢱑銀買豪宅

錢嘉樂和湯盈盈近日敲定買北角海景台,雖然賣家降價至$1,450萬,但錢嘉樂為搵錢買樓,日夜開工,冇時間陪老婆。此屋苑曾有不少藝人居住,如佘詩曼、陳浩民、梁漢文等。

要戒糖戒肥

湯盈盈飲食習慣亦有待改善。據知她一向偏愛食麵包、蛋糕等高澱粉質食物,加上專登留港照顧她的湯母,不時煲雞湯及燉補品,令她在短短 3個月間,體重急增 30多磅。一個月前她到尹鎮偉婦科醫生作產檢時,發現她超磅之餘,還患了妊娠糖尿兼高血壓。知情者透露:「醫生見到個報告都嚇親,問佢食咩搞到呢幾個月之間重咗咁多?仲有埋妊娠糖尿病。其實湯小姐有 BB初期,血糖指數差少少就超標,醫生建議咗份營養餐單俾佢,叫佢少食內臟、動物脂肪同重澱粉質食物。不過佢應該冇聽醫生吩咐,冇戒口。雙高(高血糖高血壓)對媽咪同對肚裏面個 BB都有不良影響。湯小姐一直講想順產,不過睇情形有機會要開刀,仲有早產危機。」經醫生再三警告下,以往見乜食乜的湯盈盈,終於肯的起心肝戒甜戒澱粉。記者亦曾目睹她獨自買餸,所揀餸菜都係魚類和蔬菜居多。

放大圖片

照飲照食

醫生早吩咐要戒甜戒澱粉食物,湯為保腹中 B女平安,近日亦一一照做,但始終搣唔甩咖啡癮。日前不施脂粉的她,便約父母到尖沙嘴嘆咖啡。

放大圖片

街市買餸

停工多月的湯盈盈,平日除逛街 high tea過少奶奶生活外,原來鬼妹仔性格的她,亦愛玩煮飯仔。日前她便到九龍城街市買餸,由於街市人逼,湯盈盈不時用手護肚。

放大圖片

買蝦買蟹

湯盈盈當日在海鮮檔除買了一條海斑外,還買了兩斤蝦和蟹。記者問她醫生要她戒口,她即慌張地說:「唔係我食,我買俾嘉樂仔食!」

撲定買北角樓

老公忙拍戲不在身邊,湯盈盈近日開始為 BB購置用品及新衣,同時她為了新居入夥事宜相當頭痕。早前,本刊曾拍得佗住 B女的她,走勻港九睇樓。她專攻西半山、九龍塘及何文田等名校區的豪宅,可見她早有計劃,為愛女將來升學籌謀。她最終意屬鄰近父親北角豐林閣一帶的豪宅。

一港島區地產經紀表示:「盈盈都搵過兩、三個地產代理睇樓,港九新界佢都有睇過,都係過千呎。不過早個月佢再睇多次北角海景台嘅向海大單位,佢好鍾意,但覺得個價揦脷咗啲。個業主開價$1,600萬,盈盈預算只係$1,400至 1,500萬左右,雙方仲還緊價。不過最近個市『𣲷』成咁,個業主都肯降到$1,450萬,應該好快成交。」早前錢嘉樂講過希望在老婆臨盆前能裝修好新愛巢,看現時進度,相信至少要待湯盈盈誕下女兒才能入夥。

周二( 15日),本刊在又一城訪問湯盈盈。對於以 140公里行車,湯盈盈一直低頭不語,同行的好姊妹梁靖琪卻睩大雙眼,反應極大說:「嚇!佢會開快車?」本刊記者再問她超磅問題,此時湯盈盈才肯開聲回應:「其實好正常,個個大肚婆都會有啦。(咁你係咪有妊娠糖尿同高血壓?)呢樣我唔會回應啦!」最後,問她是否睇中海景台單位,她笑著說:「你哋自己 check啦,呢個我唔會答你!」

放大圖片

網友讚形似

懷有 B女的湯盈盈接拍新劇《老表,你好嘢!》時,其面形、身形已略見浮腫。近日劇集播出,飾演惡導遊的盈盈,被不少網友讚她做得維肖維妙。

肥 B要開刀

湯盈盈想順產生 BB,不過她超磅兼患有妊娠糖尿同高血壓,改用剖腹生 B的機會較大。

婦產科專科醫生靳嘉仁說:「孕婦血壓高,若果同時有齊妊娠毒血症的徵狀,孕婦有機會中風爆血管,或抽筋,亦會唞唔到氣缺氧。當大部分氧氣被抽到腦部及心臟, BB會出現缺氧。

通常 28周的孕婦會做內糖測試,若孕婦患上妊娠糖尿, BB的體重會較正常 BB大,導致生產有困難,亦有機會早產。若然 BB體重達 4公斤以上,難產風險會高咗,醫生會要求孕婦開刀。」

至於大肚婆揸車,靳嘉仁醫生表示:「孕婦揸車冇問題,不過超速揸車就好危險,雖然 BB有羊水保護,可以承受撞擊力,但如果衝擊太大,就好易有大意外。」



.[忽然1周]患高血壓妊娠糖尿 超磅湯盈盈隨時早產
http://veryy8.blogspot.com/2013/01/1-1_18.html
Related Posts Plugin for WordPress, Blogger...