2013年1月18日星期五

向女主角獎邁進胡定欣不會心急

胡定欣早前憑住《拳王》中「丁丁」一角，除了在《萬千星輝頒獎典禮》奪得「最佳女配角」外，在海外亦奪得女配角獎項，她坦言能過三關證明這個角色得到肯定。奪獎之後，外界一定認為她目標必然放在「最佳女主角」上，她則覺得不用心急，一切會按部就班。

撰文：杜淑霞　攝影：畢紹基化妝：Jessica Chan

髮型：Matt Chiu @ Xenter 場地：MM/H（皇室堡15/F）

胡定欣在馬來西亞的「Astro On Demand 我的最愛頒獎典禮2012」及新加坡的「第17屆亞洲區電視大獎2012」，先後奪得「我的最愛電視女配角」和「最佳女配角」獎後，都有擔心在香港未能再奪獎，幸好最後順利過關。

前輩讚開心過得獎

對於連過三關，定欣認為證明自己努力沒有白費，「呢個角色我真係花咗好多心機，學拳同學手語都好困難，最難得係聽唯唯（梁烈唯）話，盧惠光呢啲真係識打拳嘅前輩話我打得似樣，嗰種開心有時真係大過得獎，依家可以得埋獎，對自己同埋支持我、欣賞我嘅人，係一個好好嘅交待囉！」

奪得「最佳女配角」後下一站就是「最佳女主角」，但定欣未有設限期，「呢方面我真係唔心急，講真自己都未正式有套劇係擔正，你見得到女主角嘅演員，都唔係拍幾套就會得到，有啲嘢係要儲番嚟，慢慢嚟啦！我舊年先續咗約，仲有大把時間努力，希望合約完之前可以達成啦！」

定欣不心急再奪「最佳女主角」獎，認為一切要按部就班。