[東周刊][娛樂追擊]錢嘉樂 無福消受27/10/12

主頁>娛樂圈 >娛樂追擊>錢嘉樂 無福消受

錢嘉樂雖然唔算靚仔，但係就愈老愈掂愈受歡迎，近年又做武指又主持節目，人氣急升，TVB剛播完嗰套劇《巴不得媽媽》更加係擔正做男主角，備受極多女性觀眾嘅歡迎，一出街好多女fans追住同佢合照。

不過，已經通街知嘉樂喺十一月就會同湯盈盈結婚，佢就算幾好桃花都無福消受。日前，佢出席記者會，TVB娛樂新聞台嘅女記者李漫芬搵佢做訪問。佢兩個唔知傾咗乜，問完女方冧到爆，一臉陶醉攬住佢。可惜嘉樂好驚畀人講，個樣勁驚青，表現得好抗拒囉！

TVB娛樂新聞台女記者李漫芬，其後更攬住錢嘉樂挨落佢膊頭，可惜男方就嚟結婚，似乎好避忌。

近年成為娛樂圈紅人嘅錢嘉樂，早前接受TVB娛樂新聞台訪問時，女記者李漫芬畀佢o氹到鬼咁冧。