2013年1月16日星期三

祖兒台上狂呻　「冇人諗過佢攞金」

祖兒台上狂呻　「冇人諗過佢攞金」

菀之攞金曲金　O嘴祖兒狂呻

王菀之大前晚憑《留白》爆冷奪十大勁歌金曲金獎令人大跌眼鏡，原以為會攞埋金曲金獎的容祖兒對失落獎項似乎不滿，當宣佈一刻愕然O嘴後，有眼利讀者更發現祖兒疑向身旁的G.E.M.呻：「我諗我哋冇一個人會諗到佢會攞到金。」

大前晚舉行的《十大勁歌金曲頒獎典禮》雖然順利頒發所有獎項，但賽果卻驚喜連連，有傳天後容祖兒會成為大贏家，狂掃5.5個獎，當中更包攬兩大獎：最受歡迎女歌星及憑《牆紙》得金曲金獎，但最終金曲金獎卻被王菀之冷手執個熱煎堆奪得，不過王菀之首《留白》卻被網友取笑似足靈堂招魂歌，認真爆笑。

■祖兒昨日示範水晶首飾，她強調會拍照片支持何韻詩的同志平權運動。

將拍照撐同志平權

不過痛失金曲金獎的祖兒當日在現場亦真情流露，當宣佈得獎者是王菀之時，坐定粒六的祖兒即露出O嘴愕然表情。

昨日有眼利讀者報料指祖兒在王菀之獻唱時，向身旁的鄧紫棋（G.E.M.）大呻：「我諗我哋無一個人會諗到佢會攞到金。」

祖兒昨日到銅鑼灣出席水晶活動，對於陳慧琳提議取消亞太區最受歡迎男、女歌星獎，祖兒認為Kelly性格一向直率，而她覺得獎項多少沒有所謂，多一個獎多一個機會給其他人。而祖兒即場示範首飾，她自言喜歡鑽石，但昂貴的首飾戴過就算，亦不會暗示要另一半送贈，她笑說：「我會直情喺佢度攞錢買。」有指過氣密友何韻詩默認與鄧九雲的關係，祖兒表示看過有關報道，但阿詩不是這樣說，所以她不會回應，不過她會拍照來撐同志平權。

【今日我至讀】祖兒口噏噏同G.E.M.呻，竟然俾眼利觀眾讀唇讀到佢講乜。

強調《留白》有人識

此外，王菀之前晚到佐敦出席《老表，你好嘢！》飯局，對於祖兒O嘴，王菀之解畫：「大家喺宣佈一刻都會大笑，不如叫做驚喜，同佢成晚有好多嘢傾，相信佢會戥我開心，自己唔會估係乜原因，亦唔會問。」對很多人揚言未聽過《留白》，王菀之表示有不少人聽過，又強調自己性格簡單樂天，會睇鼓勵留言，亦只會記住開心的留言。

採訪：馬建華、楊潔雯

攝影：林德雄