搜尋此網誌

2013年1月16日星期三

[FACE]奸出頭 《一代宗師》最搶奸角 蔡少芬老公黴足 13年彈起

張晉 喺戲中飾演馬三,奸到出汁殺師傅,仲做埋漢奸。同章子怡 喺火車站對決相當搶鏡,起碼由細打到大嘅佢打得實淨過偉仔啦!


真面目

奸出頭 《一代宗師》最搶奸角 蔡少芬老公黴足 13年彈起

2013年01月16日

由構思到拍攝足足 17年 嘅《一代宗師》,上週四( 10日)終於在香港上映(截至週一( 14日)香港 800萬票房,國內 1.8億),偉仔、章子怡搶鏡係意料中事。但成套戲最大亮點,竟然係飾演大奸角的蔡小芬老公張晉,片尾與章子怡於火車站對打一幕更成全片高潮。拍開內地電視劇、未拍過大片的張晉,原來 13年前於《臥虎藏龍》做過章子怡、楊紫瓊替身。

今次難得被王家 衞睇中,戲分僅次於兩位主角。終於苦盡甘來叻過老婆,連張晉接受訪問時都話嚇了一跳,「太太(蔡少芬)從沒瞧不起我……我原本想能有一個畫面已經很知足了,沒想到戲分那麼重!」真係多謝王家衞都嚟唔切。

放大圖片

大肚撐場

外間一直覺得張晉唔夠老婆蔡少芬紅,不過今次張晉 喺《一代宗師》彈起,終於威番次。上週二( 8日)有咗第 2胎 嘅蔡少芬更同張晉一齊出席香港首映禮。

今年 38歲的張晉, 00年由武師轉型為演員,雖然拿過全國武術冠軍,練就一身好本領,不過演藝事業一直冇大突破。直到 03年拍《水月洞天》,當時蔡少芬是劇中第一女主角,而張晉只是配角。但日久生情之後拍拖,令張晉知名度大增。二人拍拖 5年後結婚,老婆繼續紅,蔡少芬前年拍《甄嬛傳》更紅爆全國,張晉仲爭一個機會。

𨋢口試鏡

老婆蔡少芬一直紅過張晉,所以即使張晉有份演出《一代宗師》都一直冇乜人提,直至上週於內地及香港公映。於戲中飾演大奸角馬三的張晉,極為搶鏡,唔只打戲出色,更連文戲亦受讚賞。

張晉今次有幸得到王家衞寵幸,原來係恩師袁和平搭路。據知,「袁家班」出身的張晉,於 09年由袁介紹認識王家衞。當時王家衞問張晉識唔識八卦掌,張晉即時於𨋢口表演給王導欣賞, cool爆的王導當時並冇任何表示只點了點頭,一星期後,張晉獲通知去內地東北拍攝《一代宗師》。

放大圖片

13年後張晉唔使再做章子怡替身,仲 喺《一代宗師》入面同章 喺火車站對打。

放大圖片

張晉唔只打得,文戲亦演得出色。尾段被章子怡擊敗一幕,亦有唔少網民讚賞。

放大圖片

張晉除 咗做演員,更亦擔任武術指導,所以 38歲 嘅佢依然 keep到鋼條身形, 8嚿腹肌盡現。

打完交唱歌

放大圖片

’03撻著

00年張晉轉型做演員,但未有代表作。最成功係 03年拍《水月洞天》撻著蔡少芬; 04年二人再 喺《上海灘之俠醫傳奇》(左圖)合作。

被王家衞揀中後,張晉留在東北拍了兩個多月,他早前接受訪問,便說壓力很大,尤其是最後一幕跟章子怡在火車站的對打場面。「那副墨鏡後(指王家衞)的眼睛是非常厲害。他要求不光是從動作上表現這個人物,臉部的表演也要融入這個角色。」張晉更說沒想到自己戲分會是第三多,「我原本想能有一個畫面已經很知足了,沒想到戲分那麼重,當得到的東西超出自己所想像的,會高興成什麼樣子……。」

於《一代宗師》內,張晉跟章子怡有唔少對手戲。但 13年前張晉仲係替身一名,當時跟隨袁和平拍攝《臥虎藏龍》,竟然做過章子怡、楊紫瓊替身,如今終一戲上位。張晉最近忙於宣傳《一》片,連同老婆蔡少芬的 5周年結婚紀念都不能一齊慶祝。

本週一,張晉經理人若蘭表示:「張晉暫時忙宣傳多,之後仲會出一首歌,跳埋舞。」據知,內地已有唔少片商及導演都因為《一》片對張晉有興趣,睇嚟就快做第二任老豆的張晉有排紅。

武林高手

張晉今次 喺《一》片靠奸上位,打鬥場面全部親身上陣。由 9歲開始習武, 11歲進入四川省武術隊,先後取得全國武術比賽陳式太極拳和太極劍冠軍。第 7、 8屆全國運動會上獲得金、銀牌,之後加入「袁家班」,跟隨袁和平任武指。 99年 喺《臥虎藏龍》仲係做緊章子怡、楊紫瓊替身。《一》得袁和平推薦畀王家 衞,令張晉正式上位。

放大圖片

張晉(箭嘴) 9歲習武, 11歲為四川省武術隊。先後取得全國武術比賽陳式太極拳和太極劍冠軍和槍術、武術冠軍及八卦掌、醉劍亞軍,名副其實武林高手。

放大圖片

《臥虎藏龍》其中一幕章子怡著夜行衣同發哥追逐戲。其中唔少屋頂飛身鏡頭都係由張晉做替身。

放大圖片

99年李安拍攝《臥虎藏龍》,當時武指為袁和平,而張晉亦只係其中一位武師,更做過章子怡、楊紫瓊替身。

張晉 喺戲中飾演馬三,奸到出汁殺師傅,仲做埋漢奸。同章子怡 喺火車站對決相當搶鏡,起碼由細打到大嘅佢打得實淨過偉仔啦!

葉準撐王家 衞

王家衞由構思到拍成足足花咗 17年 嘅《一代宗師》上週終於出爐。梁朝偉、甄子丹唔使講都知邊個好打。王導 嘅葉問,唔只好打仲風流,特別係戲中描寫偉仔同章子怡一段,不過葉問長子葉準就話:「唔覺佢寫得葉問風流。因為戲劇始終係戲劇,王家 衞拍得更接近真實。其中講述葉問 嚟香港的確冇帶老婆(宋慧喬飾)同行,係同事實一樣。我跟爸爸住在香港後都冇見過媽媽。」

放大圖片

問到葉準師傅偉仔同甄子丹邊個做葉問似 啲,師傅就話:「兩個都好,以後如果有人再拍葉問真係好難超越佢 哋兩個喇!」

放大圖片

上週六( 12日)偉仔到廣州宣傳,葉準亦有上台支持。佢仲讚偉仔:「知佢練到受過傷,打得都有板有眼。」

4個鐘加長版?

《一代宗師》現時戲院上映 嘅 130分鐘版,其實有好多刪剪畫面,例如宋慧喬摑偉仔 嘅戲分、偉仔同章子怡 喺火車站再隻揪,及張震與章子怡 嘅感情戲等。有傳 3月尾舉行的「香港國際電影節」,會有 4小時版本放映。不過澤東發言人就話:「暫時未聽過有加長版本、亦未有呢個打算。」大家惟有 喺 YouTube慢慢搵刪剪片段啦!

放大圖片

喬妹摑偉仔

戲中喬妹戲分得大約 45分鐘,同偉仔有唔少感情戲及掌摑戲,但一如王家衞風格,大部分都被剪走。

放大圖片

張震戰偉仔

戲中張震亦係武林高手,不過戲分被大幅刪剪,連同偉仔對打一幕亦剪走。



.[FACE]奸出頭 《一代宗師》最搶奸角 蔡少芬老公黴足 13年彈起
http://veryy8.blogspot.com/2013/01/face-13-face.html
Related Posts Plugin for WordPress, Blogger...