鄭嘉穎出院 傷眼縫10針
整傷眼嘅嘉穎噚晚返港即撲到港安醫院睇傷勢，由樂易玲同好友黃智賢陪佢入院，因為傷口大，嘉穎要留院一日，今日下晝點幾先出院返屋企休息。樂小姐話嘉穎個傷口縫咗成10針，佢會留喺香港休養一星期，拍劇方面因為眼未消腫而暫停，原本今日喺瀋陽有活動都被迫取消，o依家要等下星期拆咗線先決定工作安排。
今日淩晨三點，嘉穎喺微博報平安：「已回港診治，安好，不用擔心。但真的很抱歉，不能到瀋陽跟大家見面了！請大家放心，一定會盡快安排到瀋陽跟你們再聚。」
鄭嘉穎傷眼縫咗10針，要暫停工作一個禮拜。
