苟芸慧、香香攬住喊
高登兩大女神苟芸慧和岑麗香前晚到將軍澳錄影無綫節目《萬千升呢福祿壽》，節目安排兩人為自己平反。當苟芸慧重提早前被指跟謝天華車震時當場落淚，她對雙親說：「我冇學壞仲係好女兒，好想你哋同我一齊住。」在旁的香香眼濕濕安慰她：「佢係我第一個朋友，大家一齊住，佢點忙返到嚟都開解我，唔係我會黐線。」接著兩個相擁而哭。
【今日我至愁】陰功豬囉！苟芸慧（左）前晚重提被指車震時當場愁爆落淚，香香見到都喊住流鼻水，真係我見猶憐！
宣佈封胸
有指王君馨、鍾嘉欣、李亞男和香香是無綫四大處女，香香說：「私人問題唔答，只有我同主先知。」男友有否問過？香香說：「係有人問過，但就算係男友都唔答。」苟芸慧則謂有不少是非，經檢討後決定封胸。同場還有徐子珊、陳法拉和李亞男，子珊在《雷霆掃毒》中輪姦戲昨晚播出，她說：「大家成日提住搞到我好尷尬。」採訪、攝影：黃曉妍
法拉（左）和徐子珊同場曬美腿。
下一則:傑仔犀牛下體鬥軟硬 林海峰甩曬轆
