媽咪姐
朱潔儀最緊要靚
2012年10月26日
好耐無見嘅朱潔儀，上周六（ 20日）出席「東區交通安全嘉年華 2012」，著曬全套制服擔任交通安全大使。
身為前港姐亞軍嘅佢，自爆細個志願其實係做女警，覺得警察制服好鬼靚，不過因為細膽，最終去咗選港姐。都好嘅，媽咪姐見朱潔儀全程攞住塊鏡仔左照右照，非常姿整。如果做女警行咇，要日曬雨淋，又點可以 keep到依家咁白滑呢！做女人，扮靚先係終生事業。
朱潔儀之前北上拍嘢，最近先返港做大使。但佢無鬆懈㗎， keep住做 facial又煲湯水飲，照鏡更加唔少得。
