[忽然1周]陳百祥恩愛背後 洪金寶補飛

媽咪姐

陳百祥恩愛背後　洪金寶補飛

2012年10月26日

放大圖片

• 上一張
• 下一張

叻版口水肩

上星期係觀瀾湖兩年一度世界明星慈善賽嘅大日子，鍾意打 golf嘅阿叻陳百祥又點會錯過見識嘅機會，帶埋老婆黃杏秀飛海口，順便玩幾日。上周六（ 20日）中午，一早已輸比賽嘅阿叻伉儷百無聊賴喺酒店餐廳食飯，平時兩人無時無刻都好似好恩愛咁，但呢餐飯，你有你吃，我有我飲，毫無交流。其間阿叻仲不顧儀態狼吞虎嚥狂食，反而秀姑就似上等人多啲，細細啖，好有 table manner呀！

放大圖片

兩公婆食飯，一個擔天一個望地，無乜兩句。 Zoom近啲，嘩！口水肩？叻哥，乜你仲未戒㗎！

放大圖片

阿叻擘大個口，猛掃啲河粉，好餓喎！

另一 pair大哥大洪金寶夫婦亦係神奇伴侶，平日洪太高麗虹好少陪老公出席活動，但唔知係咪因為大哥大早前俾人影到夜會妙齡少女，所以今次要拖實老婆請罪呢？

不過，媽咪姐發現洪太竟然成日面燶燶唔多 happy咁！睇怕上次單嘢都未嬲完咯。而表面威武嘅洪大哥，去酒店食自助餐嗰陣全程幫老婆拎嘢食，頂住個大肚腩，騰出又騰入，明顯補緊飛啦！

放大圖片

內心幾唔妥都好，洪金寶伉儷喺人前都十指緊扣，但一睇高麗虹嘅面色，就知乜嘢事啦！

放大圖片

捧餐贖罪

高麗虹入咗餐廳就鬱都唔鬱，由得大哥大捧住隻碟行嚟行去。