媽咪姐
斑斑帶子祭天賜
2012年10月26日 放大圖片 斑班雖戴上墨鏡，但亦難掩哀傷神情，而囝囝建豪表現平靜。
武打小生惠天賜（暱稱小四）早前喺北京家中疑因減肥過度猝死，遺體於北京火化後，由六妹 Sandy將骨灰帶回港，並於 24號（周三），喺屯門青山村佛緣精舍舉行法事。
當日圈中一眾好友、胞妹惠英紅及其他親友均有出席，而與小四離婚已經十年嘅斑斑為讓兒子盡孝道，帶同 16歲的惠建豪由澳門趕回港出席小四骨灰上位儀式。當日建豪與惠英紅一早到元朗領取父親骨灰後，再到佛緣精舍。法事進行兩個鐘，之後骨灰送往慈雲山法藏寺供放。
放大圖片 斑斑跟惠天賜 96年結婚， 01年離婚。離婚後，斑斑帶同囝囝長居澳門，其間甚少聯絡。
放大圖片 惠天賜喺《楚留香之蝙蝠傳奇》飾演中原一點紅，令人難忘。
放大圖片 惠天賜跟前妻、前亞視員工陳貝蒂所生兩女頌玲、鎧玲為父親上香。
放大圖片 跟惠天賜感情要好嘅惠英紅（右），想起哥哥點滴，不時落淚，其妹 Sandy亦黯然神傷。
放大圖片 惠天賜曾將其減肥後照片放上微博。有傳他勁減 30磅，難道真係減肥出事？
