劇中吳卓羲（左）同馬國明（右）一齊爭朱晨麗，兩男一女得個嬲字。
劉松仁、馬國明、吳卓羲（Ron）、馬賽及朱晨麗等一班無線台慶劇《名媛望族》演員，噚日著住婚紗禮服幫套劇宣傳。渠哋喺台上玩愛的宣言，要向劇中慨愛人講「我愛你」、「照顧你一生一世」等結婚誓詞。劇中搞三角戀慨馬明、Ron同朱晨麗一齊進場，馬明好心急咁同朱晨麗講：「好急，趕住洞房。」仲向情敵Ron話：「我要渠（朱晨麗）個身，你要佢個心。」搞到朱晨麗好鬼尷尬，唔知會唔會又有緋聞傳出？
沉卓盈贊新歡好
玩遊戲時，馬明同周志文要蒙眼摸女演員慨手，估嚇邊個系自己劇中老婆，周志文全程怕醜只敢摸一摸女演員慨手，結果估唔中劇中太太馬賽，相反馬明唔客氣，捉到女演員慨手好實，連中途加插Ron只手都摸好耐，渠又笑住話：「邊有女人只手咁粗糙？」
同場慨沉卓盈最近被影到同有米新歡Ray Mak夜蒲，沉卓盈提到拍拖即甜笑話：「好驚影到唔靚，因為我當晚踎地兩次綁鞋帶。」
問沉卓盈有冇諗幾時結婚？佢話：「啱啱開始拍拖，渠對我好好，再留意嚇先，我仲系以工作為先。」
