搜尋此網誌

2012年11月21日星期三

[FACE]喬寶寶 做好小醜係一種成就

喬寶寶係尖沙咀重慶大廈地膽,任何人要 喺重慶入面拍 嘢或者要大量南亞裔臨時演員,喬寶寶都會幫手吹雞!


搜尋氣

喬寶寶 做好小醜係一種成就

2012年11月21日

憑《殘酷一叮》入行 嘅印裔喬寶寶(原名喬保羅),喺香港土生土長,又在無 綫捱足 7年由路人甲做到《衝呀!瘦薪兵團》擔配角。現時坐擁兩間餐廳、一間單車鋪,本月底仲會在九展開 3場棟篤笑。做親都係小醜,但他仍驕傲:「氹得人開心都係一種成就啫!」

喬寶寶為照顧現居於蘇格蘭、不幸患上先天性脊椎神經問題及過度活躍症的細仔,下年 8月被迫舉家移民去蘇格蘭,但他仍堅持三年後一定會回歸重新開始。


我 喺香港土生土長,我係印度裔 啫,我好 proud of呢個身份喎!人哋叫我哋做阿星、阿差,其實香港人都係人講佢又講,唔好咁介意啦。最侮辱嗰次?唔想提喇,呢啲人同其他害群之馬一樣好快有天收。

喺 TVB做咗 7年,佢哋咁多人,唔一定要搵我,但我都有好多綜藝節目做,又有劇拍,《衝呀!瘦身兵團》仲可以拍住陳展鵬、阮兆祥,仲想點?做人最緊要知足,做小醜有乜所謂,喜劇好難做㗎,我氹得人開心都係一種成就呀!

因為我個細仔有病(先天性脊椎神經問題)喺蘇格蘭住,所以想太太攞本特區護照,咁樣可以免英國簽證入境,點知佢哋(入境處)唔批,我咪惟有全家移民去蘇格蘭囉,我 𠵱家賣曬香港啲鋪頭同樓喇!我太太喺香港住咗 22年,我覺得香港班官冇人情味囉,戴住有色眼鏡睇我哋呢啲非中國裔人。我哋唔怕喎,我冇嘢叻,淨係唔怕辛苦,勤力一定有回報,到時同老婆坐完移民監,咪再返嚟香港重新開始囉,我始終最愛都係香港!

放大圖片

喬寶寶當年視河國榮為目標,河國榮 喺無 綫連配角都未做過,但喬寶寶 喺《衝呀!瘦薪兵團》同陳展鵬,阮兆祥飾演好兄弟。

放大圖片

05年喬寶寶參加《殘酷一叮》,將胸毛剃成 TVB成功出位。得亞軍之後更辭去懲教署二級助理一職,唔夠一年,喬寶寶密密 喺大陸夜場登台,已賺過百萬。《蘋果日報》圖片

放大圖片

喬寶寶唔只重慶有人識, 喺門口都有唔少趕住濕平 嘅自由行認得,爭住同佢合照。

放大圖片

老婆申請唔到特區護照,冇得蘇格蘭和香港兩邊自由出入,照顧唔到有先天性脊椎神經問題兼有過度活躍症 嘅細仔。喬寶寶惟有放棄香港一切,陪老婆去蘇格蘭坐移民監。網上圖片



Related Posts Plugin for WordPress, Blogger...