真面目
神奇女俠 失蹤 4個月 V煞陳美詩台慶派膠
2012年11月21日無 綫 45歲牛一，週一在電視城舉行《萬千星輝賀台慶》，全台藝員又唱又跳又玩馬騮雜耍，一眾花旦更露肉益街坊。不過全晚最「震撼」場面，係失蹤 4個月的陳美詩（ Macy）。
身穿黑色露腰裙的 Macy，突然變了 V煞面兼鼻樑變直、面部呈膠狀毫不自然，連鄭嘉穎見到都嚇到呆曬。 Macy卻死口唔認整容：「呢 啲叫 3D鼻影，最新化妝方法 嚟 㗎！」 3D到咁另類，真係好難接受囉！
31歲陳美詩自從去年 11月在日本撞車與無 綫鬧不和後，已甚少工作及出席大型公開活動，對上一次是今年 7月，出席奧運節目的記者會。
週一（ 19日）無 綫《萬千星輝賀台慶》全台藝員上陣， Macy身穿黑色露腰裙出現化妝間外， Macy驚變刀削面，面頰凹陷，下巴尖到㓤親手，加上鼻怪異、鼻樑直而鼻頭變鈎，面部肌肉硬繃繃像膠公仔一樣，跟 4個月前面目全非，在場記者及藝員幾乎唔認得她。
男友：過兩日變番正常
剛巧經過的鄭嘉穎、謝天華、黃宗澤和黃智賢亦忍唔住望實眼前「似曾相識」的 Macy，鄭嘉穎更嚇到呆曬，不敢相信眼前的是 Macy。問到陳美詩為何外形突變， Macy戰戰兢兢回答：「呢排唔使捱，所以瘦 咗，過一排會肥番 㗎喇！」唔捱反而瘦，已經夠奇，估不到陳美詩繼續兜：「我呢個叫做 3D鼻影，係最新 嘅化妝方法，唔算整容。但我唔反對人整容，覺得每個人有自己諗法，人 哋整容係人 哋 嘅事；藝人都想扮靚 啲。」
女友激變，身為男友的孫耀威話預咗唔認得佢， Eric在電話回應話：「我今朝（ 19日） 喺 salon見到佢，佢化妝師都話今晚實認唔到佢，咁我梗係認得佢啦。佢咁靚邊使整容呢，有冇打 botox？我都唔知打完 botox係點喎！其實佢想隆重其事，想突出 啲 啫，過兩日就變番平時咁樣 㗎喇！」有男友撐住，變成點都冇所謂啦。
姐仔賣命冇保險
無 綫 45歲牛一，陳美詩派膠賀壽，簡直搶曬班冒死玩高難度表演的藝員風頭。最慘係有藝人向本刊投訴，指無 綫不肯為台慶表演藝人購買額外保險。學過中國舞的苟雲慧說：「好似細個玩鋼架咁囉，有冇保險？我諗有啩！」任你好似徐子珊咁吊到 7樓咁高，如果有乜意外都係閣下自理，真係博得唔值呀！
吊到傷腰
朱晨麗早前綵排時傷及腰部，又喺微博狂呻受傷，雖然痛到企唔穩，但正式表演時仍努力做出超難動作。週一問佢 TVB有否為佢買保險，她即大為緊張：「保險？有有有，我喺 TVB入面醫啫，唔使畀錢嘅！」
跳到入院
另一攞命節目「飛躍道」，《巨聲》陳國峰早前綵排時亦扭傷腳，稍為治理後要忍痛重新上陣。 黃長興更要負傷繼續練習，之後才入院照 X光，咁搏命，原來都要自己科水睇醫生㗎！
