搜尋此網誌

2012年11月21日星期三

焦媛 [FACE]玩大咗 捲勾人老公捉姦疑雲 焦媛:邊有時間搞男人?

等我問嚇高志森先 真實對白 <br><br>上週六,焦媛睇到網上呢一段文字後一臉錯愕,又稱可能因高志森的國教言論,令自己都俾人鬧埋一份,她更向記者說會叫高志森回應,但至週一截稿前,兩人卻冇回音。


真面目

玩大咗 捲勾人老公捉姦疑雲 焦媛:邊有時間搞男人?

2012年11月21日

98年焦媛與剛離婚的高志森撻著,當年有傳焦媛做第三者導致高志森離婚,令這段相差 18年的忘年戀一直有陰影,幸好兩人拍拖 13年一直恩愛,高志森更打算出年 4月迎娶焦媛。

剛傳出好事近的焦媛,近日卻被人在 YouTube上瘋狂留言,唱焦媛用「藥」勾人老公,迫死正室,更講明「做鬼也不放過她!」無啦啦被指搞人老公,焦媛則淡定說:「我日日要排戲,邊有時間搞男人吖?」

放大圖片

下年再娶

焦媛與高志森由最初不被看好,至近日高志森打算出年迎娶焦媛成第二任老婆,拖足 13年終於有結果。《蘋果日報》圖片

放大圖片

近兩星期,每日都有人在 YouTube不同短片的留言欄內留言,內容清一色話焦媛勾人老公不得好死咁話,乜基督徒唔係宣揚和平㗎咩?

36歲焦媛同大佢 18年的高志森拍拖 13年,雖然當年外界都認定焦媛是第三者,連高志森的兩個寶貝女都指焦媛破壞佢哋家庭,但仍無損二人感情。

教徒捉姦

近日本刊發現在 YouTube上各新舊短片留言位置,出現了大量講焦媛勾人老公及詛咒她的留言,內容指焦媛用「藥」迷姦和勾引其教友的老公、迫死正室、又指在捉姦地方發現她的衣服等,只是全部留言冇交代詳細內容及證據,而本刊亦試過聯絡發帖的留言者,但一直未有回覆。

網上留言勁,而據一些話劇界的行家透露,相關傳聞亦曾於話劇界內盛傳。上週六( 17日)本刊就留言問及焦媛,佢笑住回應:「唔知發生咩事,我日日要排戲,邊有時間搞男人吖,每日要排 2套劇去到出年 5月。我覺得好意外,有人咁寫我!(有冇得罪人吖?)應該冇,日日都係對住劇團嘅人,佢哋都係跟住我,有我都知啦。(會唔會係高志森得罪人?)高生之前因國民教育單嘢,好多人鬧佢,仲鬧埋我,有可能係佢得罪人喎,等我問嚇佢先!我同高生 𠵱家感情好好,仲有諗過結婚。因為我同佢都好忙,都要忙到出年,過咗先算!」俾人唱勾佬都咁淡定,不愧學藝出身!

放大圖片

前週五( 9日)焦媛於自己的工作室綵排完後,於附近的便利店買了一些零食便返回畢架山帝景軒,與居於上址的母親食飯,而並非高志森之前自稱於佐敦擎天半島所築的愛巢。

搞出人命

狐狸精係人都憎,但亦曾有小三明目張膽挑大婆機,迫到大婆含恨而終。

放大圖片

吳庭欣激到大婆自殺

曾與顧美華妹夫馮潮澤搞婚外情,激到正印顧麗華兩度自殺,最終在家上吊身亡。圖片

放大圖片

章小蕙累人妻生癌

96年搭上已婚的製衣商人陳曜旻,與妻子 Susanna離婚,令身患癌病的 Susanna不惜作出死前控訴,更話章小蕙激到佢生癌及迫死佢。《蘋果日報》圖片



Related Posts Plugin for WordPress, Blogger...