壹週刊 忽然1週 FACE 東周刊 3週刊 娛樂八掛 娛樂八掛週刊雜誌 娛樂八卦 本地娛樂 外地娛樂 政治時事
當年王家衞拍電影《 2046》，俾人寸話要拍到 2046年，結果就拍足 5年先交貨。今次《一代宗師》，籌備至今已經有 10年，終於落實下個月 18號上映，不過， FBI據聞家嚇仲係補拍階段，拍足 3年 嘅章子怡，最近都忍唔住向老友呻，話套戲拍到 𠵱家都未拍完。
唉！當年《 2046》去康城作世界首映前夕，已經鬧出滿城風雨，拷貝遲到而取消咗 2場日間放映，結果大熱倒灶，希望今次唔好去到上映嗰日都仲拍緊啦！
子怡慘叫 偉仔練習時打斷手，章子怡練習時，在師傅要求做一字馬加壓腿，仲慘叫 咗幾聲添！
偉仔喪打 平時斯斯文文 嘅偉仔，在片段所見，又跳繩又打木樁，更與武師連環對打。
王家衞在預告片中透露，構思拍《一代宗師》始於 96年 喺阿根廷拍《春光乍洩》時，但因李小龍故事好多人已拍過，所以更想深究李小龍 嘅師傅葉問。
