真面目
護士抱抱 扭籮露底 阿 Sa制服色誘伊健
2012年11月21日同 27歲陳偉霆拍拖兩年的阿 Sa蔡卓妍，雖然男友比自己細 3年，但兩人打風打唔甩，最近又被影到孖住返九龍塘浪漫慶祝生日。
現實鍾意玩姊弟戀，在新戲《我老公唔生性》中更挑戰高難度，阿 Sa要同大自己 15年的鄭伊健做夫婦。為氹老公畀家用，除要出賣美色，扭曬籮跳鋼管舞，更要著護士衫玩制服誘惑。咁鬼香艷，唔知威廉陳有冇福欣賞呢？
10年前的《我老婆唔夠秤》，由當時得 20歲的阿 Sa配 35歲鄭伊健，事隔十年，兩人竟然冇乜走樣，在續集繼續老夫少妻。
噴血魚網絲襪
為 氹伊健開心，阿 Sa經常要扮鬼扮馬，其中一場要著住魚網絲襪同護士制服，用美色換家用。
護士衫包到上頸冇嘢睇，另一場鋼管舞就噴血得多。該幕講伊健生日，阿 Sa為令老公有驚喜，苦練鋼管舞色誘對方，全程落力扭腰趷籮，加埋個引死人的高潮嘴，睇到伊健眼到唔眨！齋跳未夠喉，阿 Sa更用力過度扭親，用嗲聲姣叫：「老公，我扭親條腰呀！」
露底唔清場
極少性感演出的阿 Sa，拍戲多年第一次跳鋼管舞，雖然連黑底都露埋，但阿 Sa都冇要求清場。「場戲係夜晚拍，我嗰日下晝狂睇有關 pole dance嘅片，去到片場導演又畀咗我睇，叫我跟住跳，兩 take就搞掂！不過伊健好似唔多欣賞，我問佢跳得好唔好睇，佢拉長曬尾音話：『都幾好睇，你咁努力我都好 appreciate！』好勉強囉！」
連阿 Sa跳鋼管舞都唔興奮，唔通蒙嘉慧平時玩得仲激？
伊健偷 𥄫
36D趙碩之
對慣平胸阿 Sa嘅伊健，學潛水時見到教練趙碩之換衫，忍唔住偷 𥄫（小圖），結果俾趙碩之發現，伊健即刻頭耷耷扮冇事。
趙碩之飾演潛水教練，呢場換衫戲又要拋胸又要剝褲，趙碩之仲私自加多個缽仔糕墊底，效果超噴血！
