同你吟一吟
黎耀祥示範民選視帝
2013年01月10日林峯出名 fans多，以為今年一人一票選視帝坐定粒六，點知俾《大太監》黎耀祥邪住，頒獎禮生吞白果，㷫到預告 2014年滿約同 TVB拜拜。
殼王揸莊，下旨要嚴守一人一票規矩，樂大媽都無符。順應民意，八珍主持公道，黎耀祥究竟有幾受人歡迎？峯少你自己睇。
上星期六（一月五日）下晝四點幾，家庭主婦黃金時間，黎耀祥兩公婆拍拖揸車落九龍城街市買餸，祥嫂負責看車，黎耀祥揸住個餸籃，買完牛肉再買豆腐、山根跟住再買雞，拎到兩手都係，先行放上車，再返轉頭買菜。
《壹》仔全程盯住，黎耀祥所到之處，沿途不停有人要求合照，又自動排隊好有秩序，三屆視帝並非浪得虛名。林峯多 fans，黎耀祥何嘗唔係！你問李嘉誠定何鴻燊多錢，講真，連福布斯都冇真正答案啦！
.[壹週刊]黎耀祥示範民選視帝
http://veryy8.blogspot.com/2013/01/blog-post_6698.html
