2013年1月10日星期四

李蕙敏鞋癮復發

2013年01月10日

舊年黃偉文開作品展演唱會，令已經絕跡樂壇嘅男子組合 Shine復活，個唱由九展開到去紅館，仲要一票難求。

其實除咗 Shine，李蕙敏同樣受惠，多咗北上做騷，搵多咗，李蕙敏亦手鬆咗。買鞋癮，開始復發。

上個禮拜四（一月三日），李蕙敏一個人行中環置地，行過潮牌 Sonia Rykiel，即刻推門入去尋寶。

李蕙敏一眼睇中對厚底漆皮鞋，著上腳，靚，即買。其間佢試過條粗身腰帶，不過睇唔啱，最後只係買走咗對鞋。

唔買唔舒服，由尋寶到試鞋再碌卡俾錢走人行出去搭的士，加埋都冇十分鐘，快過師奶落街市買菜。

肥咗唔少，條粗腰帶試完之後都係擺低唔買。

最高峰有幾百對鞋嘅李蕙敏出名鞋癡，著上腳望兩眼鏡都唔使照，成交，之後搭的士走人。