主頁>娛樂圈 >娛樂追擊>風騷歐遊 黎明、舒淇金句傳情
現年四十五歲的黎明（Leon）和三十二歲的樂基兒（Gaile），上周三透過二人的經理人公司百仕活發表「分手」聲明，四年婚姻正式玩完。
婚姻畫上句號，似乎並未影響主角心情。黎明連日來風騷歐遊，坐遊艇出海享受海天一色的醉人美景，更拍下型仔照廣發傳媒。而他的舊愛舒淇亦唔執輸，在微博貼「黎明」照，又模仿他講金句來隔空傳情。
至於搣甩「黎明嫂」身份的Gaile更搶先大解放，先暢遊印尼峇里島，享受陽光與海灘，再轉飛馬來西亞吉隆坡打golf、擦海鮮，生活繼續各自各精采。
黎明與樂基兒雖然宣布分手，但二人生活卻未受影響，近日更分別到歐洲及峇里度假。
返港風趣回應
黎明於周日（7日）下午從瑞士蘇黎世返港，傳媒聞風而至。他穿上casual wear、架上黑超步出機場。坐了十多小時飛機的他，手上無名指已除去婚戒，面對近百傳媒追訪依然神情輕鬆，更主動停下讓記者拍照，雖口說：「我冇嘢講！」但在記者追問下，他即「金句王」上身，風趣地說：「佢叫我講兩句，你又叫我講兩句，即係你講定我講先？」問他現時心情及離婚手續等問題，他說：「我OK，我諗感情事過咗去就係一個過去式，過去式係永遠屬於兩個人。喺媒界裏面做藝人最麻煩係愈講愈多，事件沒完沒了，根本冇必要再去講，但兩個人作為藝人又唔可以唔講，我唯一可交代都回應曬，多謝各位。」
有記者追問二人是否各有小三，及是否會分一半身家給樂基兒，他無奈說：「我答得一句，就要答第二句、第三句、第四句，沒完沒了。」之後便登車以極速返回上水寓所，當晚未再公開露面。
黎明周日返港，被大批傳媒包圍。他披露婚變心情時相當平靜，更發揮金句王本色，分手都有型過人。
