真面目
夠長情 送助手幫舊愛 失婚黎明關照舒淇
2012年10月10日上週三（ 3日），黎明越洋發表離婚聲明，週日返港首度開腔回應「分訊」，被傳受情傷的他，未見憔悴，對傳媒依然大派金句。
黎明與樂基兒（ Gaile）婚變， 7年情玩完轟動娛樂圈，與此同時舊愛舒淇則再度活躍微博，在黎明的聲明發表當天，舒淇留言「心寬，天地就寬」，似在隔空鼓勵對方；同時間，舒淇和林建嶽合作的新經理人公司「 SQ Workshop」成立，據知黎明亦派出前助理 Winnie Au加入 SQ，並擔任舒淇的經理人。對舊愛依然關心，將來嘅嘢真係話唔埋。
46歲黎明與 32歲樂基兒於今年 7月，同時向經理人陳善之提出「分訊」，兩人先後傳出有第三者，最終黎明要發出「分手」聲明，黎明的 fans更在網上支持黎明翻撻舊愛舒淇。
今年 8月，舒淇以原名「林立慧」開設新公司「 SQ Workshop」，黎明前助理 Winnie Au，即時辭去 Neway的高薪厚職，到新公司幫舒淇手。而據知 SQ雖然只得舒淇一位老闆，但嶽少亦有暗中揼水支持。
操控女友狂
本刊發現，雖然舒淇已約滿「紅館」，但今年 8月，她與林建嶽組成新公司「 SQ Workshop」，而跟隨黎明多年、曾任職 Sony Music和 Amusic的 Winnie Au， 8月初離職 Neway之後，竟「空降」舒淇新公司，負責幫舒淇接洽工作。
知情人士說︰「黎明一直好信任 Winnie，同舒淇拍拖 嗰陣， Winnie已經幫佢打工，同黎明旗下的藝人衞蘭、應昌佑關係都好好，佢離開 Neway後都好口密，冇人知佢去邊，原來係幫舒淇手，仲要 喺 𠵱家呢個咁敏感 嘅時候開新公司，大家都覺得有冇咁蹺呀？」有指黎明一向喜歡監控另一半，無論李嘉欣、樂基兒，甚至舒淇，身邊都充斥著黎明的親信。
劉亦菲大嫌疑
傳聞樂基兒搭上老外新歡 Cuz，不過， Cuz於 Instagram澄清自己已有女友；反而黎明上年拍攝《鴻門宴》時就曾跟女主角劉亦菲傳緋聞，傳黎明於北京有女伴，劉亦菲嫌疑最大。
知情人士說︰「 Leon同劉亦菲單緋聞 喺內地傳得好誇張，劉其實同 Gaile一樣，都係喺美國長大同樣擁有鬼妹仔性格，加上青春，難怪傳 Leon同佢。」據知 Leon跟 Gaile係和平地分開，現正辦理離婚手續，不過多年來，黎明轉贈唔少物業給 Gaile，現在決定每月給予 Gaile贍養費還是一筆過贍養費給 Gaile，仍未傾掂數，而黎天王亦努力營造情傷形象，成功得到一眾 fans力撐，有些更支持他與舒淇復合。
本週一記者致電 Winnie，她承認已加入舒淇新公司，但對其他問題一律不作回應。
離婚大解放
05年，黎明與細自己 14歲的樂基兒拍拖，更於 08年秘密飛到美國拉斯維加斯註冊結婚。但自去年開始，兩人經常傳婚變，有傳黎明已支付了 5,000萬和 3棟共約 6,000萬的豪宅，總值 1.1億港元作為贍養費。
婚變之後，以往受黎明監管的 Gaile即如放盤解除束縛，除了狂玩 Instagram，又在峇里及吉隆坡度假，更以短訊回覆記者，說跟黎明分開其實已有一段時間，心情 ok。
前度夾定？
黎明自 10月 2日發聲明宣布離婚後，便跟舒淇好似夾定咁，同日發相發微博，好巧合啫！
