真面目
女徒弟 泊嶽少碼頭開 label 甄子丹簽婷婷做打女
2012年10月10日宇宙最強葉問甄子丹打到變票房王，最近更冧掂嶽少林建嶽，揼水成立一間工作室，製作電影兼做經理人，實行大搞。
不過甄子丹接戲冇停手，新公司事務實行全權交畀老婆汪詩詩負責，簽人搞電影亦由老婆話事。據知汪詩詩最近便睇中近期因不滿王晶宣傳慳皮而拒再續約的謝婷婷。汪詩詩更表明要搵打女：「我 哋要發掘 new action hero！」婷婷睇得又打得， 啱曬！
甄子丹即將投入《 3D冰封俠》（原名《 3D急凍奇俠》）和《急先鋒》的拍攝工作，以為佢未埋位應該好清閒，但實情宇宙最強大把新搞作。
反王晶搵老細
據知甄子丹正跟林建嶽洽談一齊成立工作室，打算開戲簽新人滿腹大計，而嶽少亦保證每部戲給子丹 3千萬人民幣片酬，對他信心十足。
甄子丹太太汪詩詩則會為工作室打骰，簽約藝人、接戲、開戲等大小事務都由她話事。據知她頭炮睇中的便是謝婷婷，知情人士說：「婷婷剛剛同王晶反面，因為好唔滿意王晶唔宣傳佢做女主角 嗰部《絕色武器》，幾乎連上咗畫都冇人知，所以婷婷講明唔會再同王晶合作。的確婷婷係有諗過自己搞公司嘅，不過汪詩詩又一向同婷婷好 friend，兩個成日傾時裝經，詩詩梗係想簽佢啦！」
甄太：仲係好 early
謝婷婷雖然拍戲經驗淺，但她近年拍過唔少廣告兼做代言人，年賺近千萬，吸引力不俗，甄子丹向她招手絕對明智。
週一（ 8日）本刊致電汪詩詩，他承認甄子丹已跟嶽少傾好搞新工作室，並由她打骰：「係呀！不嬲子丹 啲 嘢都係我幫佢搞。家 啲 嘢仲係好 early未講得咁多住，先要搞掂老公 啲 嘢先。」至於簽婷婷，詩詩續說：「希望 喺老公 啲打戲入面搵個新人，識武術 嘅，我 哋要發掘 new action hero！女仔可以考慮，要有好身手。（婷婷都拍過打戲，係咪簽佢？）唔可以透露太多，好多 嘢考慮緊。」
而謝婷婷早前在活動時透露：「我最希望同所簽 嘅公司夾得 嚟，因為間間公司都有好處，但唔係間間 嘅人都相處得到。」記者週一（ 8日）致電婷婷助手丹桂，她回覆表示：「婷婷暫時未有戲拍，其他未知住。」婷婷皇帝女，好快嫁得出喇！
狂開 7 label
嶽少林建嶽多年來與不少藝人合作搞娛樂事業，除 04年幫陳冠希成立 CMD外， 05年跟黎明合作搞 Amusic及收購華星唱片。近年更分別同吳彥祖、任賢齊等合資搞經理人公司、網上合法免費視頻 goyeah.com，百足咁多爪。
