搜尋此網誌

2012年10月10日星期三

[FACE]Edison 倉底 西片 上咗冇人知

Edison戲中做女主角細佬都算勉強似,不過佢左手仲係戴住佢送過畀 N咁多個女友嘅 Cartier隻「 LOVE」 bangle,似乎唔夠專業喎!


FBI

Edison倉底西片上咗冇人知

2012年10月10日

淫照事件後, 𠵱家已經全面復出 嘅陳冠希,搞潮牌生意好似好掂,但幕前工作冇厘聲氣,衰到要接酒吧騷, Edison想洗底仲有漫漫長路。好似佢前年接拍嘅荷里活片《 Almost Perfect》,上年 3月已經喺美國三藩市上咗畫,香港? Sorry,仲未排到檔期喎!

明知觀眾未接受番自己,一向愛出鋒頭 嘅 Edison,接拍《 Almost Perfect》時,竟然話自己係自動降呢做配角, Edc接受訪問時話:「這些年我經歷了很多,覺得當時並沒有準備好在銀幕上與任何人談情說愛,一來是怕模糊焦點;二來是我對愛情還有很多疑問,我自己想不通、做不出的事,我也演不好,因此看過劇本後,我覺得弟弟這個角色更適合我,也有更多可發揮的地方!」嘩,講到咁偉大呀!之不過細佬呢個角色係演反叛青年, Edc唔一定洗到底㗎喎!

放大圖片

Edison做女主角 Kelly Hu細佬,爛蒲爛玩愛扯煙,每次遇到感情煩惱就去家姐屋企避世。 Edison同 Kelly前年拍呢套戲嗰陣仲傳出緋聞,不過之後冇下文。

放大圖片

戲中全家福,有傳 Edison同「家姐」 Kelly Hu(右二)拍戲撻著,事後兩人例牌否認。

放大圖片

上月尾,電影再喺美國 LA首映, Edison執到正同其他演員撐場,可惜圍觀路人多過記者,連當地都冇乜相關報道。網上圖片



Related Posts Plugin for WordPress, Blogger...