招募亞洲先生Key頭男冇得輸
【2012亞洲先生競選之深圳面試】亞視昨日移師深圳為《ATV2012亞洲先生競選》進行面試，四方八面的強國同胞慕名而來，昨日共19位猛男參加面試，接受高層葉家寶、葉成昌及亞姐楊玉梅三位評判的品評。
參賽者有來自哈爾濱、黑龍江、廣州甚至新疆與俄羅斯混血兒，各人即場使出看家本領或各式各樣的必殺技，務求冧死、電笑、嚇死、笑死各位同胞！
貌似鄒兆龍嘅Key頭男李思桐，古銅膚色同面部顏色格格不入，最抵死係佢何時何地都趷出半個頭，營造key頭效果。而劉洋肖（左）精神面貌委靡，連乳頭都看似下垂，認真不堪。
《上月未變黑》
來自哈爾濱嘅Key頭男李思桐原來上月嚟過香港面試，當時佢白白淨淨但落選，今次特登曬黑同搽黑再戰，名副其實黑白無常。
《明星組》
貌似蘇基嘅大叔趙芳華，多鬚又多肌，咪睇佢肉騰騰，佢聲稱係dancer，仲即場表演現代舞。46歲嘅佢，個女都22啦！
《明星組》
呢位「深圳周柏豪」祖魯哈，其實係新疆俄羅斯混血兒，獨門絕招「電臀舞」，原來係邊咬唇邊震籮，係咪有電暈嘅感覺呢？
29歲模特兒李思桐上月來港面試落敗，昨日操肌兼曬黑再面試，但白面白腳襯古銅色身軀猶如key頭男，非常詭異，但誠意打動評判，可謂冇得輸。
46歲的舞蹈員趙芳華瞞住22歲女兒來參賽，不惜穿泳褲肉騰騰演繹現代舞。混血兒大學生擅長跳Hip Hop及肚皮舞，原來秘技還有咬唇電臀舞，看得大家目瞪口呆。另外，參加亞洲先生不是肌肉男的專美，如饑民般體形的參賽者，一樣可憑有梁朝偉的憂鬱眼神及一排肋骨，令人神魂「癲」倒。強國參賽者多才多藝，香港的參賽者要打醒十二分精神應戰了。
採訪、攝影：曾小嘉
《明星組》
欣宜舊愛Ryan都嚟碰運氣？非也。尤里嚟自烏克蘭，掛碌雙截棍扮型。
《舞男組》
Chok甫影相最緊要Man，但呢位瘦蜢蜢嘅李珺卻擺出一個天鵝湖舞步，九唔搭八。
《舞男組》
何小平係咪富二代就唔知，仲學人戴護臂扮型，仲跳到拗腰典曬地，好心呢，福心呢！
下一則:騎呢Key頭男白頭黑身挑馬神機
